▶️ "Өфө уттары" тапшырыуы көн һайын, дүшәмбенән йомаға тиклем, 20 сәғәт 10 минутта эфирға сыға.
"Тормошом һәм ижадым девизы – "Йәшәгәндә – йәшәргә!". Әгәр был донъяларҙан китеп барһаң, инде бер нимәне лә үҙгәртеп булмаясаҡ. Шуға ғүмер булғанда – үҙ-үҙеңде йәлләмәй, тулы ҡанлы тормош менән йәшәргә, йәшнәргә, ижад итергә кәрәк," – ти йәш опера һәм эстрада артисы Радмир Вәлиев.
Архангель районы егете Радмир ябай эшсәндәр ғаиләһендә тыуһа ла, ата-әсәһе, өләсәй-туғандары бәләкәйҙән йыр-моңға мөхәббәт тәрбиәләгәндәр. Үҙҙәре лә музыка ҡоралдарында уйнарға, йырларға яратҡан. 33 йәшлек егет Радмир Хәсәнов "Республиканың атҡаҙанған артисы" исемен лайыҡлы күтәреп ижад итә. Уның репертуарында — популяр эстрада йырҙары ғына түгел, авторлыҡ йырҙар ҙа һәм опера партиялары, романстар. Башҡорт, татар, рус, итальян, немец, инглиз телдәрендә йырлаған артист тәүҙә Өфө дәүләт сәнғәт училищеһында вокал бүлегендә Вәхит Хызыров класында оҫталыҡҡа өйрәнгән, артабан Өфө дәүләт сәнғәт академияһында данлыҡлы тенор Йәмил Әбдемәновта белемен нығытҡан.
"Минең ижади юлымда тик изге күңелле, талантлы кешеләр осраны, шуға яҙмышыма сикһеҙ рәхмәтлемен", — ти йәш ижадсы.
Үҙе лә һоҡланғыс талант эйәһе булған йәш артист иғтибарлы һәм һөйөклө тормош иптәше һәм өс ҡыҙ атаһы ла. Ғаиләһенә ҡарата иҫ киткес хәстәрлекле Радмир буш ваҡытын тулыһынса яҡындарына арнарға тырыша. Ғәжәйеп көслө һәм тәрән тауышлы, талантлы, киң күңелле, донъяға позитив ҡарашлы Радмир Хәсәнов менән "Өфө уттары"нда шишәмбе кис үткән әңгәмәне һеҙҙең иғтибарға тәҡдим итәбеҙ. Тапшырыуҙы Айгөл Хисамова һәм ди-джей Хан-Булат Сарбаев алып барҙы.
▶️ Смотрите видео
--------------------------
Поделитесь Вашим мнением о событиях, происходящих в Уфе и Башкирии! Присоединяйтесь к нашему каналу Башкортостан 24 в Дзене!
Мы предлагаем Вам актуальные новостные сюжеты, а также свежие выпуски передач, производимые холдингом ГТРК «Башкортостан».