Напярэдадні Дня Дзяржаўнага флага, Дзяржаўнага герба і Дзяржаўнага гімна Рэспублікі Беларусь, які сёлета адзначаецца 10 мая, даведаліся ў жыхароў Капыльшчыны, што для іх азначаюць дзяржаўныя сімвалы нашай краіны. Марына КАНДРАЦЕНКА, галоўны спецыяліст аддзела ідэалагічнай работы і па справах моладзі райвыканкама: – Я з павагай стаўлюся да дзяржаўных сімвалаў, бо яны выхоўваюць патрыятызм, паказваюць, у якім кірунку мы ідзём. Сімволіка можа расказаць многае: герб – пра гістарычную спецыфіку, флаг – пра жыццёвыя каштоўнасці і мэты. Музыка гімна – урачыстая і ў той жа час кранае струны душы. Яго словы перадаюць сутнасць народа нашай краіны: дабрыню, узаемадапамогу, талерантнасць. Наталля МАЦКЕВІЧ, ветэран педагагічнай працы: – Мая працоўная дзейнасць была звязана з дзецьмі: выкладала грамадазнаўства ў СШ № 2 г. Капыля. Магу з упэўненасцю сказаць, што маладое пакаленне разумее сэнс гэтага дзяржаўнага свята. З дапамогай простых і зразумелых сродкаў сімвалы адлюстроўваюць патрыятычныя, гіста
Напярэдадні Дня Дзяржаўнага флага, Дзяржаўнага герба і Дзяржаўнага гімна Рэспублікі Беларусь, які сёлета адзначаецца 10 мая, даведаліся ў жыхароў Капыльшчыны, што для іх азначаюць дзяржаўныя сімвалы нашай краіны.
Марына КАНДРАЦЕНКА, галоўны спецыяліст аддзела ідэалагічнай работы і па справах моладзі райвыканкама:
– Я з павагай стаўлюся да дзяржаўных сімвалаў, бо яны выхоўваюць патрыятызм, паказваюць, у якім кірунку мы ідзём. Сімволіка можа расказаць многае: герб – пра гістарычную спецыфіку, флаг – пра жыццёвыя каштоўнасці і мэты. Музыка гімна – урачыстая і ў той жа час кранае струны душы. Яго словы перадаюць сутнасць народа нашай краіны: дабрыню, узаемадапамогу, талерантнасць.
Наталля МАЦКЕВІЧ, ветэран педагагічнай працы:
– Мая працоўная дзейнасць была звязана з дзецьмі: выкладала грамадазнаўства ў СШ № 2 г. Капыля. Магу з упэўненасцю сказаць, што маладое пакаленне разумее сэнс гэтага дзяржаўнага свята. З дапамогай простых і зразумелых сродкаў сімвалы адлюстроўваюць патрыятычныя, гістарычныя і культурныя традыцыі краіны, характар народа, яго духоўны патэнцыял. Яны лёгка пазнаюцца сярод іншых дзяржаўных сімвалаў сусветнай супольнасці.
Андрэй ГЕРМАН, начальнік аддзела па прававой і кадрава-арганізацыйнай рабоце ААТ "Старыца-Агра":
– Кожны беларус павінен ведаць і паважаць сімвалы сваёй дзяржавы. Бо гэта адлюстраванне пэўных бакоў жыцця народа і дзяржавы, уяўленне пра гістарычны шлях краіны і яе нацыянальныя каштоўнасці. Для мяне дзяржаўная сімволіка – гэта знак незалежнасці нашай Беларусі, які перадае гісторыка-культурную спадчыну народа, падкрэслівае нацыянальны дух і годнасць беларускіх грамадзян.
Алена МАКАРЭВІЧ, прадавец павільёна індывідуальнага прадпрымальніка:
– Для любога народа дзяржаўная сімволіка – гэта святыня. Я – патрыёт сваёй краіны, ганаруся ёю. Мяне вабіць мастацкае афармленне нашых сімвалаў, кожны з іх нешта азначае. Стаўленне да флага, герба і гімна ў мяне пачцівае. Яны дазваляюць зразумець сувязь з мінулымі пакаленнямі. А менавіта музыка і словы гімна кранаюць да слёз. Асабіста для мяне дзяржаўная сімволіка – гэта гонар і ўвасабленне таго, што я нарадзілася ў Беларусі, і я – грама-дзянка сваёй краіны!
Артур ЧАРНЯЎСКІ, навучэнец Цімкавіцкай СШ:
– Дзяржаўныя флаг, герб і гімн – гэта тое, што аб’ядноўвае ўсіх грамадзян краіны. Для мяне асабіста гэта сімвалы шчаслівага дзяцінства, забеспячэння міру, атрымання годнай адукацыі, гарантаванага права на працу, незалежнасць і стабільнасць. Дзяржаўная сімволіка выклікае любоў да роднага краю, пачуццё гонару і павагі да краіны. Я ганаруся сваёй Радзімай, яе багатай гісторыяй і ўнікальнай сучаснасцю.