Сөзү: Степан Сарыг-оолдуу.
Аялгазы: Алексей Чыргал-оолдуу.
CОВЕТ ЭВИЛЕЛИНИҢ ХАМААТЫЗЫ МЕН
Тываларның хостуг үнүн, чоргаар ырын
Сөзү: Степан Сарыг-оолдуу.
Аялгазы: Алексей Чыргал-оолдуу.
CОВЕТ ЭВИЛЕЛИНИҢ ХАМААТЫЗЫ МЕН
Тываларның хостуг үнүн, чоргаар ырын
Дыңнавааннар дыңназын дээш, көрзүннер дээш,
Элег-түрег, базымчадан аңгыжыраан
Эктим бедиин, хөрээм хостуун ырлап тур мен!
Хааннар, беглер мурнун орта тейлеп чорбас,
Каржы хоойлу адаан орта човууртавас,
Холда, бутта кинчи-бекти үзе шапкан
Хостуг чонум чоргаар, омак оглу-дур мен.
Хаттыг шуурган, чаңнык халап тайып дүжер,
Хая-даштан, болат каңдан күштүг чуртум.
Калчаа дайзын дыңнып чадаан Совет чуртум
Хамаатызы болганымга чоргаараар мен!
Хоойлуларда Совет чурттуң хоойлузу дег,
Хостуг шынныг ындыг хоойлу кайда-даа чок.
Дээди шынның хоойлузун мактап ырлаан
Делегейде мен дег чоргаар хамааты чок!