«Бөртө» сылгы собуотугар сааскы уталытыллыбат үлэ барар
Бөртөлөр сааскы түбүктэрэ бүппэт. Сүөһү-ас хайдах турарый, туох үлэ бу күннэргэ барарын туһунан кэпсииргэ Үлэ бырааһынньыгын көрсө тэрилтэ зоотехник-биригэдьиир Ульяна Семеноваттан көрдөстүм:
- Үлэ кэминэн. Өрөбүлү, бырааһынньыгы улахан хаһаайыстыба аахсыбат. Былааннаммыт үлэни кэмигэр толоробут. Билигин 997 сүөһү баар, мантан ыанар ынаҕа 403, күннэтэ 3 туонна үүтү ыыбыт. 254 саҥа төрүөх ньирэйдэннибит, 83 ынах сиэмэлэннэ. 340 субан сүөһүнү «бэчээттээтибит», «битэмииннээтибит». Седимин биэрдибит. Бу эккэ-хааҥҥа тимир, дьуот састаабын байытар (соҕуо үөскүүрүн сэрэтэр), селена кыра сүөһү сайдыытыгар туһалаах, ыарыылартан харыстыыр. Кыстык этэҥҥэ ааһан эрэр, сотору күөххэ үктэниэхпит! Үлэ бырааһынньыгынан, Үлэ дьоно!
– диэтэ Ульяна Степановна уонна элбэх видео, хаартыска ыытта. Махтал, бөртөлөргө!
Людмила Аммосова.
