✨Мәскәү шәһәренең татар милли-мәдәни автономиясе региональ иҗтимагый оешмасы тарафыннан Габдулла Тукайның туган көненә – 140 еллык юбилеена багышланган “Тукай иле” иҗат бәйгесе узды 📜.
✨ Бәйге бөек татар шагыйре Габдулла Тукай истәлеген мәңгеләштерү, шагыйрьнең иҗатына кызыксыну уяту, шулай ук татар телен һәм әдәбиятын саклау һәм үстерү максатыннан тормышка ашырыла📚
✨ Бәйгедә Байлар Сабасының “Оста” балалар иҗат үзәгендәге “Мозаика сәнгате” түгәрәгенә йөрүче балалар да үз иҗат җимешләре белән катнашып, аларның эшләре жюри әгъзалары тарафыннан югары бәяләнде 🎨🏆
✨ Карина Иванованың “Кызыклы шәкерт” композициясе – 2 🥈, Зәлия Фәләхованың “Кәҗә белән сарык” эшләнмәсе – 3 урынга лаек булды 🥉.
✨ Түгәрәк җитәкчесе Алсу Шаһвәлиева әйтүенчә, мозаика сәнгате, бер яктан, балаларга өстәмә һөнәр бирү булса, икенчедән, матурлыкны күрә белергә өйрәтә, ә мондый зур бәйгеләрдә катнашып призлы урыннар яулау яңа башлангычларга көч һәм илһам бирә.
