“Farg‘onaga kelgan odamni yana bir narsa o‘ziga rom etib qo‘yadi. Bu asrlar davomida vodiy madaniyatining ajralmas qismi bo‘lgan askiya san’atidir”,
– dedi Prezidentimiz.
Keyingi yillarda mazkur noyob san’atni asrab-avaylash va keng targ‘ib etish bo‘yicha katta ishlar qilindi. Marg‘ilonda 2023-yilda Yusufjon qiziq Shakarjonov nomidagi Respublika askiya va qiziqchilik san’ati markazi ishga tushdi.
Lekin mashhur askiyachilar Xotamjon Hakimjonov, Abdulla Akbarov, Anvar Ne’matov va marhum Mamasiddiq Sherayevning davomchilari bo‘lgan yosh iste’dodlarni qo‘llab-quvvatlash kerakligi ta’kidlandi.
Mutasaddilarga tuman madaniyat markazlari va musiqa-san’at maktablarida askiya, qiziqchilik mahorati yo‘nalishini tashkil qilish topshirildi.
Yig‘ilish davomida viloyat va tumanlar rahbariyatining hisobotlari, tadbirkorlar va jamoatchilik vakillarining fikrlari tinglandi.
Telegram | Instagram | Facebook | YouTube | Website
