Ағас эшкәртеү цехы хужаһы льготалы займ алды
Бөрөнән шәхси эшҡыуар Евгений Романов – ағас эшкәртеү цехы хужаһы һәм ул Башҡортостан микрокредит компанияһында рәсмиләштерелгән 5 миллион һум күләмендәге льготалы займ ярҙамында материалдар запасын тулыландырҙы.
Бөрөнән шәхси эшҡыуар Евгений Романов – ағас эшкәртеү цехы хужаһы һәм ул Башҡортостан микрокредит компанияһында рәсмиләштерелгән 5 миллион һум күләмендәге льготалы займ ярҙамында материалдар запасын тулыландырҙы. Микрофинанс ярҙамы “Һөҙөмтәле һәм конкурентлы иҡтисад” милли проекты (национальный проект “Эффективная и конкурентная экономика”) сиктәрендә бирелде, тип хәбәр иттеләр республиканың Эшҡыуарлыҡ һәм туризм министрлығынан.
- Республика эшҡыуарҙарына уларҙың проекттарын тормошҡа ашырыу өсөн төрлө инструменттар тәҡдим итә алыуыбыҙға шатбыҙ. Ошондай башланғыстар арҡаһында бәләкәй һәм урта предприятиелар үҫеү өсөн өҫтәмә ресурстар ала, эш урындары булдыра һәм Башҡортостан сәнәғәтенең конкурентлыҡ һәләтен арттыра, — тип билдәләне Башҡортостан Республикаһының эшҡыуарлыҡ һәм туризм министры Светлана Верещагина.
Евгений Романов 1996 йылдан алып ағас материалдары етештереү менән шөғөлләнә. Тармаҡта бай тәжрибәгә һәм белемгә эйә булып, ул сифатлы яңы кимәлгә сығырға һәм ағас эшкәртеү күләмен арттырырға ынтыла. Бирелгән аҡса әйләнештәге средстволарҙы тулыландырыуға йүнәлтелә, был поставкалар күләмен һәм етештереү ҡеүәтен арттырырға мөмкинлек бирә. Ҡыҫҡа ваҡыт эсендә предприятие продукция етештереү күләмен дә арттырған. Бөгөн эшҡыуар үҙ алдына, йыл һайын 15 мең кубометрға тиклем урманды сифатлы ағас материалдары итеп эшкәртеү, тигән маҡсат ҡуйған.
Яңыртылған милли проекттар Рәсәй Президенты Владимир Путин ҡарары буйынса 2025 йылдан тормошҡа ашырыла.
Фото: Башҡортостан Республикаһы Эшҡыуарлыҡ һәм туризм министрлығының матбуғат хеҙмәте.
Беҙҙең МАХ каналына ҡушылығыҙ: max.ru/gazetabash...