Уҡытыусыларҙы яһалма интеллект менән ҡулланырға уҡыттылар
Уҡытыу “21-се Мәктәп. Башҡортостан” (21+Мәктәбе) Мәғлүмәт технологиялары өлкәһендә кадрҙар әҙерләү системаһын үҫтереүҙең Автономлы коммерцияға ҡарамаған ойошмаһы базаһында үткәрелде.
Республикала “Йәштәр һәм балалар” милли проекты (национальный проект “Молодежь и дети”) ярҙамында педагогик звеноның һанлы компетенцияларын стратегик үҫтереү сиктәрендә урта синыф уҡытыусыларын һәм юғары уҡыу йорттары уҡытыусыларын белем биреү процесында яһалма интеллект ҡулланыу нигеҙҙәренә өйрәтеү буйынса пилот проекты старт алды. Был хаҡта республиканың Мәғариф министрлығынан хәбәр иттеләр.
Уҡытыу “21-се Мәктәп. Башҡортостан” (21+Мәктәбе) Мәғлүмәт технологиялары өлкәһендә кадрҙар әҙерләү системаһын үҫтереүҙең Автономлы коммерцияға ҡарамаған ойошмаһы базаһында үткәрелде.
– Уҡытыу программаһы тәүгә “Взлетай!” VIII мәктәп белеме биреү форумы сиктәрендә һыналды. Унда яһалма интеллектты практик ҡулланыуға арналған тематик майҙансыҡта 40 минут эсендә республиканың төрлө райондарынан 60-тан ашыу информатика уҡытыусыһы уҡытылды. Был юғары уҡыу йорттарының уҡытыусылар составына уҡытыу эшмәкәрлеген киңәйтергә һәм уҡыу ваҡытын 3,5 сәғәткә тиклем арттырырға мөмкинлек бирҙе, – тип аңлатма бирҙе Башҡортостандың Мәғариф министры урынбаҫары Наталья Никитина.
Республика Башлығы ҡарамағындағы Башҡортостан дәүләт хеҙмәте һәм идара итеү академияһының 30 уҡытыусыһы юғары уҡыу йорттары уҡытыусылары араһында яһалма интеллектты практик ҡулланыу буйынса курста тәүге ҡатнашыусылар булды.
– Беҙ Башҡортостанда яһалма интеллект өлкәһендә тотороҡло компетенциялар экосистемаһын булдырырға тырышабыҙ. Уҡытыусыларҙы уҡытыу – төп этап: тап улар меңәрләгән студен һәм уҡыусылар өсөн яңы технологияларҙы алып барыусы булып тора. Курс уҡытыусының көндәлек эшмәкәрлегендә яһалма интеллектты тәрән ҡулланыуға һәм бурыстарҙы автоматлаштырыуға иҫәпләнгән. Был үҙ сиратында уҡытыусыларҙың ваҡыт сығымдарын кәметә, – тип билдәләне “21-се Мәктәп. Башҡортостан”-дың генераль директоры Екатерина Подымова.
Яңыртылған милли проекттар Рәсәй Президенты Владимир Путин ҡарары буйынса 2025 йылдан тормошҡа ашырыла.
Фото: Башҡортостан Мәғариф министрлығының матбуғат хеҙмәте.
Беҙҙең МАХ каналына ҡушылығыҙ: max.ru/gazetabash...
