🔵 Toshkent davlat tibbiyot universitetining “1-son bolalar kasalliklari propedevtikasi” kafedrasi professor-o‘qituvchilari tomonidan “Ochiq eshiklar kuni” tadbiri tashkil etildi.
🔺Mazkur tadbir doirasida Bekobod Abu Ali ibn Sino nomidagi jamoat salomatligi texnikumi o‘quvchilari universitetga tashrif buyurib, tibbiyot universitetida yaratilgan zamonaviy sharoitlar bilan yaqindan tanishdilar.
🔺Tashrif davomida o‘quvchilar universitetning zamonaviy simulyatsion markazi, tibbiyot muzeyi hamda ilg‘or axborot texnologiyalari bilan jihozlangan kutubxona faoliyatini ko‘zdan kechirdilar. Shuningdek, Yaponiyaning zamonaviy laboratoriya uskunalari bilan jihozlangan xonalarda mutaxassislar nazorati ostida amaliy ko‘nikmalarni sinab ko‘rish imkoniyatiga ega bo‘ldilar.
🔺Kelajakda shifokor bo‘lishni maqsad qilgan o‘quvchilarga universitetda yaratilgan imkoniyatlar, ta’lim jarayoni va zamonaviy o‘quv muhiti haqida batafsil ma’lumotlar berildi.
🔺Bunday ma’rifiy tadbirlar yosh avlodni tibbiyot kasbiga yo‘naltirish, ularda sog‘liqni saqlash sohasiga nisbatan mehr va yuksak mas’uliyat hissini shakllantirishda muhim ahamiyat kasb etadi.
🔺Tashrifda ishtirok etgan o‘quvchilar uchun ushbu tadbir kelajakda tibbiyot sohasiga bo‘lgan qiziqishni yanada oshirishga xizmat qiladi.
✅Rasmiy sahifalarimiz!
Telegram | Facebook | Instagram | YouTube | X | Linkedin
