Тюку манзаими нисяхаюни-небяхаюни няю’ ватоларамбив: нисяеми Салиндер Нюдяко Апаевич, небяеми Салиндер (Анагуричи) Ульяна Аслямовна хар”ни яни хэбябцо” теневавани е”эмня, хар”ни ями мэневани няю’ си”ми вадабихинзь, тохоламбихинзь, ӈока сава серо илаӈгананди’ сертаӈаханзь. Пыди’ ватоди’, табекуди’ ил’ тенеӈгун, ил’ нёдаӈгун…
Мань теда’ илека ӈэдалёр”ман’ сидда” хаӈадм’, вы’ яна” сеян’ пяӈгува”, тикы яхана ты тэри’ тарця ӈамгэ ни ӈа”, тикэхэвава” ил’ паӈг, невхы табеком’ нёдана ӈамгэ, илм’ савумдамбада. Маня” ненэй ненэцие” таклёда серо” нё сим’ нэӈгува”, сыхылада ӈамгэ” танявам’ манэт” нивам’.
Маня” ӈаябарма’ таклёда серо манэ”тава”, вадетава”. Пыдара” ӈаябар”махана хуркари таняна серо, ямидхана ӈадимы теневабцо намдаӈгуда”. Тикы невхы серо намда”махаданда” ненэй ненэцие” нямна тамна едэй, таклёвы, ехэрана ӈамгэ” ихинда” палеӈгуда”, маси” ненэцие” и” ядэробцо савовна хамэдаӈгуда”, ханзер” ненэць’ харта янда ня’ ӈоб” сейм’мэць илевэхэ’, илеӈаха’, тамна тяха’ илеӈгуху’.
Ямидхана иӈудота иринана” мэкад теневабцодо’ танявы”, ӈаябарта ӈацекы ненэцяӈг” сырць тарця серо тасламбавы”: тикы илебядёда ненэця” илдо’ хурка ӈэӈгу”, тикыто’ ӈод” хурка ӈэвамдо’ хамэдамбавы”. Ненэсянда ӈод” ӈавор”манда мальӈгана ненэць’ илаӈгананда хурка ӈэвамда ӈадимдемби. Ӈарка ненэцяр ӈацекы ненэцие” илм’, иланда ямбан’ ханзер” илевамда луци” падартарев’ толабавэда.
Ты ненэця’ илаӈгана хан’ тэри вуни ӈа”. Тикэхавара” ненэця’ сава ня, илебяда, тамна ӈани тэтабцода. Хусувэй ненэй ненэцие” мяка”на ты сямянхат ӈарамдёсь, тым’ мэнева, ся”ма ненэцие” вэи” паӈгахат переванӈгабя, небя’ малакахана ӈа”мы ӈэванӈгабя.
Тым’ хадава тэри ӈабцята тикы саць ӈарка сер”, тэри хумбанзи” ты хадабада ни ӈа”. Илаӈга”на тараванда мальӈгана хусувэй мяд’ тер тэмда яхаӈгуда.
Ӈэрё’ няна, пилё’ ирихыхана, паны, мальци хоб” е”эмня ненэця тыдо’ яхабидо’. Ненэцие” илаӈга”на ембдяр” саць тарана ӈамгэ”, сюдбя тецьди тоб” ёря, сава панэсипой ил’ яӈгу” нив’. Тикы хавна ӈармы сава ня мядо”манзь тоб”нанда ты ӈаябад ӈани’ тара нив’. Тамна ӈани хаюпада не ню”, хардаха”на иленя хасава няби не нидо’ тэхэ” танаб”нандо’ вэя’ ӈаябад саць ӈарка маябцо. Тарем’ сава поёдо’, сава нятвамдо’ лэтрамби”, ненэцие” невхы таславы ила’ табеку нёда ним’.
Ти, ӈавор”мари, ембдяро” сэдвари е”эмня тым’ хадабава сер” вуни ӈа”, тикэр ненэцие” сава поё мэйрамби, савумдамби. Тикэд хавна невхы иринана” хуркари ил’ теневабцо, ил’ хэбябцо индо’ ӈут” таслахая ӈадимдевы”.
Ямидхы ненэй ненэця” тарем’ таславэдо’, тым’ хадаб” ӈэсы’ тер мал’ ӈокхандо’ ӈаябарпато’ тара. Яӈга ненэць’ ӈаябарманзь ханда ни ӈа”, тым’ яханар тёрм’ ӈэдараӈгу: «Ӈаябарӈава”!», тикаринда ӈод” ӈэсынд тер” тута”.
Ямидхы таславы сер”
- Ӈаябадӈэ мяд’ ерв тыта поӈгат хэхэдана тым’ яркаӈгу, ханм’ ехэрана ӈэбта тара, хурка ӈэвам’, ханзер” ӈэвам’ хибяхарт ехэрадава.
- Мяд’ тер” мякана вадавы ӈавкамдо’ ӈаябадӈэ нидо’ хадаӈгу”.
- Вэсэймы ӈавкамда мяд’ ерв тёняӈы няханда тадаӈгуда, ӈанисэй тэвна тада сава, тамна ӈани’ мале’ сян халэ” падувна тада ӈани’ сава. Хари’ вадавы тэм’ ӈаябадӈэ хада” хывы, ӈобкана ӈопой хидя’ мюд ӈаварм’ ӈавор”мэхэ’ нихим’ ӈа”.
- Ненэця” тамна тарця серто’ таня: ӈармы хабтем’ си’ няна хадаба ни ӈа”, тарця тым’ нё’ няна мюмдебада.
- Тым’ хадава’ нерня не”, ӈацекы” хахаяко мэб”нандо’ хывы, тарця серм’ маниеб”нандо’ ни” тара”.
- Ӈамгэри’ е”эмня ты хадабада ӈэб”нанда ӈод”, ненэцие” серкана сяхаринда тым’ яля’ сер” сюрте тара. Тамальӈгана мяд’ тер” няю’ сава серм’ ха”авраӈгу, мяд’ тер’ ненэця” илдо’ сава ӈэӈгу, ябадо’ таняӈгу, ёльце савовна илеӈгу”.
- Сяха’ тым’ мале хада”махадандо’, тикы серкана таравы ӈамгэридо’ хэвня мэ”махадандо’, тэдо’ ныдтэб”нанда, тикы ёльце сава сер”. Тарця серкана тарем’ манзеты”: «Техэ яханда савовна тэввы. Савов, ёльце савов». Тикэр тарцям’ ваде”ӈа, ты сава им’ мэць, сейда таӈга техэ яханда хая.
Ӈаябадӈэ ты’ ханяӈы ӈамзида ӈэӈгу”?
- Мяд’ ерв тэнда ӈэвам’ ненода ян’ ӈабтаӈгуда, хэвханда нум’ ня’, я’ ня’, сэвха”на ниня ӈадёда няю’ хаӈоро мэӈгу. Хэбидя идм’ ӈани’ таня ӈабтаӈгуда.
- Ты’ иня’ няӈы хэвда, сеянда няӈы сяхаринда ӈаябадӈэ тарана. Тикы серкав илӈы сер”, хусувэй ненэй ненэць’ илаӈганда тарем’ пэрӈада.
- Тасиняӈы (вэняӈы) ты’ ӈамза’ хэв ямб хидя’ тотрев’ ӈаябарма’ вэя’ хидяӈэ тара. Тикы’ мю’ сэротахая вэя маламби”, таня матормы ӈамзи, хэвды, суюкахаюда пэрӈа”. Мыдм’ маторкая, сэротахая вэя’ хидя’ варувна мэсь тара.
- Ӈаябарма’ мальӈгана ӈацекы ӈани ӈаябарць ясавэй – пудесь’ ваӈг’ мю’ вэям’ пэрӈа”, нюдякор ӈамзамда таня вэябдатаӈгуда. Ӈацекы ӈаябарць харта теневаб”нанда тара, тарем’ ӈахакуд пыхыдамда тохоламби.
- Ӈаябармам’ хамэдамбава’ ёльцяӈгана хибяхарт харта инда сер” ӈаворць ни пэӈг”, мал’ ӈатена”, мал’ тенева”, тарця ӈарка сер” ӈэсы’ тер ӈобт” маламби, ненэцие” поё мэйрамби, сава нятвамдо’ ӈадимдемби.
- Ӈаябадм’ хамэда”махад сидя-няхар” минут хаӈорондаӈгу”, нум’ хэхэ”, ӈэсы’ хэхэ”, я’ ерв” няю’ ӈаябад ӈамдёда.
- Тадддикахад ӈаябадм’ хамэдавэр тёрм’ ӈэдараӈгу: «Ӈаябарӈава”!», хахаяко мэна ненэця” ӈаябарць пэӈгуд”.
Нерняӈы ил’ вадебцоӈэ, пунӈэ мэта вади” хара”:
- Вэвако пун: яхабада ты’ пыята сивна вэянда тоб”, ервота ил’ несэймам’ ваде”ӈа, тамна ӈани”э тута терхат вэӈгэвам’ савадтамби.
- Сава пун: тым’ яхабаб” ӈацекы хасава (несяда хасава) хуӈгомда тивак’ пелясавый нэкалпата, мэванда неда нойтаӈгу (мирета не).
- Ӈаябарма’ нерня наны (ӈацекы хасава) ты’ хам’ мадабата, таминда ӈамб”нанда, харта нерняӈы иламда ваде”ӈа, маӈготорць илеванда.
- Ӈаябарма’ мальӈгана хибяхава тасий вэя’ ӈэсяӈэ мэтахад, лэмбарахаданда тудм’ мадаб”нанда, тикы ненэць’ маӈготорць илеӈгу.
- Сябер’ ӈамза ӈаябаӈэ нёра” ӈавор”, иланда ямбан’ етри’ ӈамгэрихина тянёребаӈгуда”, тыта хабцяд нэкалпаӈгуда”, сусанавомдо’ ӈани’ ва”алпира”, тыта хаӈгавам’ ӈани’ няюнда” пэрӈара”.
- Ӈаябарма’ ёльцяӈгана наны няби пирибтя етри’ туцявэй, ӈамзасавэй хэвды ӈаворӈа”, тикэюд иланди’ ямбан’ маӈготортаӈаха’, хасаваюм’ хардахана иленя нем’ неданда мэӈгу, неюм’ харад’ тер’ хасавахана хаюпа ханда, сяхаринда тэ”мана маӈготортаӈаха’.
- Пирибтяха”на, илӈы нехэ”на люсим’ ӈаябадӈэ ӈаворць хывы, мер’ пухуцяӈэ ханда”. Люсим’ ядембадаханда ӈармы ненэцяӈга”на ӈамзь серо”ӈа, ӈаябаро”ма пуд хаёб”нанда, вэнекохо” мипда ни ӈа”, тун’ пародамбада.
- Тундо’ терхат ӈопойридо’ невхы ирината-хаданата ты пэртяӈэ хэб”нанда, ӈани’ хасава, не нида хард’ илм’ мэпато’, хусувэй по’ сяхаринда нита ӈамзад тэвраб”нанда серо”ӈа, нита пэ’ ед” терсяб”нандо’ ни” тара”, хывы. Етри’ илаӈгананда тарем’ ӈэб”нанда, тикы харта хэхэто’ няю’, тунда няю’ сава таром’ сертаӈгу. Невхы ирината –хаданата сидяӈг сита лэрамбаӈгу, тыда сенз ӈэӈгу”, нись ӈадю” тыда етри’ тю”у’ вадёдаӈгу”, пыда нюта няю’ саць сава яб ха”амаӈгу.
Пунрёва, лэтрёва вади” хара”, хэбябцо”:
- Мяд’ ерв’ не юхум’ пиреванда нерня лекабтабата тара, сярда паддараха ӈэбта ни тара”, тарем’ хаеб”нанда вэсакода етри’ сехэрэнда таркам’ ёпаӈгуда, ёхопорта, мята ня’ ӈэда сехэрым’ етри’ пюртада.
- Ты’ нямюм’ пире”махад маликэцяда мадабада , тун’ ӈэдарабада, тарем’ ниб” серта” етри’ ненэцие” нямюхуна мэӈгун, етри’ сит лахарюта.
- Ты’ тава тэри тарем’ таборк” хаебада ни ӈа”, мяд’ тер” етри ӈавраха”на маӈготорта”, хусувэхэд ӈавродо’ тянё ӈэӈгу.
- Тава мядонзэйӈэ мипада ни ӈа”, тикы вэӈгэ”мя серкана тарана ӈамгэ. Ненэць’ тикы ӈамгэм’ мядонзэйӈэ мипата, харта няӈэмда яӈгаремби, вэвако серо ӈани’ нянда няю’ сюртеван’ харвэйда.
- Ты’ пулэнда лэкоця таня, ненэцие” поё вомдаван’ харваб”нанда тикы лым’ помнанди’ мод, ти, няхаюд пилибт” поёмдаӈаха’.
- Ты’ ӈэва я’ ниня тэри тарем’ хаеба хывы, пя’ ни’ ӈыда тара, пя яӈгоб”нанда мардавы пякоцям’ палаць тара, нинда ӈэвам’ ӈыдаӈгу. Тикы хавна ты’ ӈэва яля’ няю’ сядопата тара. Я’ ниня тароси” хаеб” ненэця’ тыда нись тоса” сусаӈга пэӈгуд”.
Хан’ ты” нямна пунӈэ мэта вади” хара”:
- Хан’ ты нямдода пай вадаба пэб”нанда тикы вэвако серм’ пэрӈа, ерванда ил’ ӈанисэйвана ханда, иле яда яӈгамда. Тикэхэна тэда ервамда ӈахакуд вэва серо ӈадивоман’ мэйрамбида. Ненэць’ тикы вэва серо” ӈадима’ няю’ тосабта тара, нибтя ӈани’ тарця тым’ забойкан’ миць тара.
- Мэта хан’ ты пыядаб”нанда, ӈэдалер”ма сер” яӈгоя, ханяхарт хэсь ни тара”, нензминдя пыядаб”нанда ёльце хэбикабцёда сер”.
- Тамна ӈани’ саць сава пун таня – тым’ ядабтаб” хуркари сава сер” илаӈгананда” ӈадиберта”, илаӈгананда” яб” таняӈгу”.
Ти, ненэй ненэцие” илаӈга”на невхы пунрёва, лэтрёва вади” хара” ӈэдалёр”мана сер” манэ”ӈава”, хамэдава”. Хурка иӈудота, илм’ теневана иринана” ӈэвы”, ханзер” я’ сяр’ ний’ илм’ пиркандо’ теневавэдо’. Тедахав ты’нямна мале’ серо савовна намдахава ненэсянда таславама”, ты тэри тарця ӈамгэ вуни ӈа”, пыда ненэця’ илм’ ня”амбада, минрена, ханяӈэхэна табеку ӈэдарамбада. Невхы серо” теда тюку ила” серо” ня’ ӈобт” тэврамбида, тикына” илана” тяхад паӈгады”. Ты хусувэй ненэцие” серка”на тарана ӈамгэ, ӈобтарем’ ненэць’ тыта танявахат сейда таӈга, илда хайна.
Ямидхы табеку”, теневабцо”, хэбябцо” ӈаябарма’ серкад таремди” перея”, нюна” нюху” вадекана”, ил’ ямбан’ ӈоб” тарем’ хаёя”. Ханзер” невхы, иӈудота иринана” таславыо’, тарем’ ти ӈэя”. Тамальӈгана ты” сарпяхат сэракоко яберена вы’ ява” мадавэхэ”на падтавэраха ӈэӈгу.
Вадини” ёльцьмя: тюку ӈаябарма” нямна вадити мэйравани е”эмня, хусувэй ваданда харам’ таслава’ е”эмня Ямал’ вы’ тер нини лаханакурць няӈадамзь. Тикэрихина ямидхы таславы серо, нерняӈы ил’ вадебцо, пунӈэ мэта, пунрёва, лэтрёва вади” хара, хэбябцо ёльце савовна тасла, хамэда пирты.
Тюку манзаями сертаба си”ми нядабавэхэ”ни сейхад ӈэда саць ӈарка вади мань хэтыбидм’:
- Лакамбой хардахана иленан, Ямал’ вы’ тер’ нен’, Худи Клара Васильевнан’.
- «Солнышком’» нюбета ӈацекы’ садикхана манзаранан’, Пуйко Надежда Александровнан’.
- Хой’ няӈы илм’ ёльце савовна теневана нен’, Худи Елена Пирчиковнан’.
(Перевод на русский язык)
Тайны оленьей трапезы
Свою работу я посвящаю светлой памяти моих родителей – отца Салиндер Нюдяко Апаевича и матери Салиндер (Анагуричи) Ульяны Аслямовны. Именно они заложили в меня основы веры и любви к великим заповедям предков…
Приглашаем вас в захватывающее путешествие в самое сердце тундры, где северный олень – не просто животное, а священный символ жизни, мудрости и процветания. Мы предлагаем вам погрузиться в уникальный мир традиций ненецкого народа, веками хранивших свои секреты.
Вместе мы раскроем тайны древнего обряда всеобщей оленьей трапезы (ӈаябарма). Вы узнаете, почему каждый элемент этого ритуала наполнен глубоким смыслом, прикоснётесь к магии древних предсказаний и почувствуете дыхание вечности, заключённое в обычаях предков. Этот опыт позволит вам не просто узнать о ненцах, но и по-настоящему понять их мировоззрение, где человек и природа неразделимы.
Наши мудрые старики обладали удивительным даром распознавать характер и судьбу молодых людей, наблюдая за ними во время всеобщей трапезы (ӈаябарма), когда каждый проявлял себя настоящим образом, то есть какой он есть на самом деле. Также старшее поколение умело читать поступки и поведение молодёжи, словно книгу, раскрывая черты характера и делая прогнозы относительно их будущего.
Олень для ненца – это не просто средство передвижения, а верный друг, источник гордости и богатства. Он обеспечивает питанием, одеждой, обувью и даже кровом. Олень – это самое главное достояние каждой ненецкой семьи, любовь к нему передаётся на генном уровне, через молоко матери.
Забой оленя – важное событие в традиционном укладе жизни ненцев, которое имеет глубокие культурные корни и играет ключевую роль в обеспечении семьи необходимыми ресурсами. Этот процесс носит нерегулярный характер и зависит от конкретных потребностей ненецкой семьи.
Осень, особенно август, знаменует начало сезона заготовки шкур и лап оленей, необходимых для изготовления традиционных предметов одежды (ягушек, малиц, кисов). Эти изделия являются неотъемлемой частью гардероба ненцев, обеспечивая защиту от суровых климатических условий Севера. Кроме того, забой оленя часто становится поводом для праздничного застолья, как знак глубокого почтения, когда приезжают уважаемые гости старшего поколения. А также как необходимость угощения свежей оленьей трапезой семьи замужних дочерей, братьев или сестёр, живущих оседло, в посёлке. Это позволяет укрепить социальные связи и поддержать традиционные обычаи гостеприимства.
Таким образом, забой оленя не только обеспечивает семью пищей и материалом для одежды, но и служит важным социальным институтом, способствующим сохранению культурных традиций и укреплению родственных и дружеских связей. Независимо от повода, будь то заготовка материалов для шитья одежды осенью или празднования приезда дорогих гостей, наши предки выработали целый комплекс правил, примет, предсказаний и запретов.
У ненцев принято, что забой оленя становится поводом для всеобщей трапезы, на которую приглашаются все соседи по стойбищу. При этом приглашение адресуется не конкретным людям, а всем сразу – тот, кто забил оленя, громко объявляет: «Ӈаябарӈава”!» («Приходите все на трапезу!»).
Вековые правила:
Для всеобщей трапезы (ӈаябарма) хозяин выбирает дикого оленя в стаде, не приученного к упряжи (никто не знает его повадок, пристрастий).
Семья не забьёт на ӈаябад своего домашнего оленя-авку, который вырос в чуме.
Когда домашний олень-авка стареет, хозяин договаривается с соседом об обмене его на другого оленя или на несколько мешков рыбы, ведь самому употреблять мясо питомца, с которым делил хлеб и пищу, нельзя (хывы).
Существует особое правило: когда приходит время забивать состарившегося оленя, его не разделывают на мужской (задней) стороне (си’ няна) чума. Для этого используется женская (передняя) сторона (нё’ няна).
Перед началом забоя оленя поблизости не должны находиться женщины и дети, поскольку сам процесс не предназначен для их глаз.
Перед тем как приступить к забою оленя, независимо от цели, по традиции ненцев оленя обязательно проводят по ходу солнца. Считается, что этот обряд приносит в чум хозяев удачу, благополучие и покой, которые будут всегда сопутствовать семье.
После завершения ритуала забоя оленя и когда убраны все предметы, с помощью которых совершалось таинство добычи, ненцы внимательно наблюдают за животным. Если олень после этого слегка вздрагивает всем телом, это считается добрым знаком. В таких случаях говорят: «Он ушёл в тот мир с чистыми помыслами, это очень хорошо». Такой знак воспринимается как свидетельство того, что дух оленя принял жертву и отправился в иной мир с миром и добром в сердце.
Какие части туши подают на всеобщую оленью трапезу?
Голова оленя ставится на главное почётное место, выбранное хозяином трапезы, около него ставятся угощения небесным богам, духам земли, то есть всему, что глазу невидимо. Туда же ставится священный напиток.
При разделке оленя левая половина туши, там, где сердце, всегда предназначается на трапезу (ӈаябад), из него приготавливается угощение. Такой порядок считается единственно верным и является обязательным законом для всех ненцев.
Нижняя (правая) часть туши служит своеобразной большой продолговатой посудой, куда собирается кровь, смешанная с солью. В эту «чашу» кладут нарезанные кусочки мяса с бедра оленя, рёбра и почки. Печень нарезают тонкими лепестками, подсаливают и выкладывают по краям, вокруг чаши с кровью.
В этой трапезе есть особое детское место – это тазобедренная чашечка, куда специально подливают кровь для малышей. Обычно на этом месте сидят дети, они макают свои кусочки мяса в кровь, что считается важной частью традиционного обряда приобщения к общей трапезе.
Пока готовится эта трапеза, никто не прикасается к еде, все ждут полной готовности угощения, это подчёркивает важность единства и уважения друг к другу в стойбище.
Когда всё приготовлено, 2-3 минуты угощаются боги, духи и хозяева земли.
После того, как хозяин объявит: «Ӈаябарӈава”!», вблизи находящиеся люди приступают к трапезе.
Приметы, предсказания:
Плохой знак: если появилась кровь из ноздрей забиваемого оленя, то у хозяев поменяется образ жизни, или же это предвестник смерти из родственников.
Хорошая примета: при разделке оленя молодой человек вытягивает трахею с кусочками лёгких, то невеста будет с богатым приданым.
Если молодой человек до всеобщей трапезы отрезает ухо оленя, съедает, то этим он себе предсказывает судьбу, что в будущем будет жить в нужде.
Во время трапезы над оленем кто-то срезает с нижней части туши жир с грудинки, то этот человек будет жить в нужде.
Не ешьте на ӈаябад мясо с брюшины (сябер”), всегда будете в убытке, сами пророчите болезнь своим оленям и их убывание, смерть оленей.
Во время трапезы над оленем юноша или девушка постоянно берут мясистые с жирком рёбра, то будут они жить в недостатке, парень женится на девушке из посёлка, девушка выйдет замуж за поселкового парня, всегда будут нуждаться в оленях.
Нельзя есть девушкам, молодым женщинам есть селезёнку (люси), быстро состарятся. Селезёнку едят горячей люди старшего поколения, а если она ещё осталась после трапезы, то нельзя давать собакам, нужно её просто сжечь.
Если человек стал единственным хранителем родовых оленей, в то время как его братья и сёстры ведут оседлый образ жизни, он обязан и должен ежегодно делиться с ними оленьей продукцией, то есть «котлы его родственников не должны быть пустыми» (нита” пэ’ ед” терсябато’ ни” тара”, хывы). Такой поступок – знак глубокого уважения к роду: духи предков будут покровительствовать ему, олени будут здоровы, и их количество постоянно будет увеличиваться, а особая благодать перейдёт и к его детям.
Запреты:
Перед тем, как сварить сетчатый желудок оленя (юху), надо, чтобы хозяйка надрезала его, чтоб не был как закрытый мешок, иначе муж всегда будет сбиваться с пути, блуждать, всегда будет искать дорогу до чума.
Сварив язык оленя, нельзя есть его кончик, надо его отрезать и бросить в огонь, а то будешь всю жизнь на языке людей, всё время будут говорить о тебе (сплетничать).
Нутренной жир (тава) оленя нельзя выбрасывать в отходы, могут возникнуть проблемы у хозяев с продуктами, постоянно будут нуждаться в продуктах питания.
Нутренной жир (тава) не даётся в подарок гостю, потому что он является одним из основных элементов похоронных процедур. Если человек отдаёт этот жир гостю в качестве подарка, то он стремится отвратить от себя грядущие невзгоды, перенаправляя их другому лицу.
У оленя есть коленная косточка – чашечка. Если вы хотите кого-то с кем-то поссорить, то эту косточку бросьте между ними, и они не будут больше общаться, поссорятся.
Нельзя череп оленя оставлять на земле, надо повесить на дерево, а если нет дерева, то надо поставить палку, на неё повесить его, при этом череп оленя должен смотреть на восход. Оставив на земле, то этого человека ждёт беспричинное убывание оленей.
Приметы с упряжными оленями:
Если у упряжного оленя вдруг стали расти рога криво, то поменяется образ жизни у хозяина, даже условия жизни. Этим олень подготавливает своих хозяев к грядущим нехорошим событиям в жизни. Или надо самого себя подготовить к этим событиям, или же попрощаться со своим любимцем.
Если в упряжке чихнул олень, поездку лучше отложить; если же чихнул передовой – это нехорошее предзнаменование.
Но есть и хорошая примета – встреча с оленем предвещает хорошие перемены в жизни и успех в делах.
Путешествуя по миру древних запретов и предсказаний, мы поняли, насколько глубокими и мудрыми были наши предки в понимании мира. Теперь, узнав больше о мистическом значении оленя, мы осознали, что это животное воспринималось и воспринимается, как символ духовной силы, как проводник судеб и мудрый наставник, открывающий людям истинные черты их натуры. Символизируя единство прошлого и настоящего, связь поколений, преемственность традиций и гармонии с природой, образ оленя подчёркивает особую значимость всех аспектов традиционного образа жизни ненецкого народа.
Пусть древние обычаи и традиции, связанные со всеобщей оленьей трапезой (ӈаябарма), бережно хранятся и передаются из поколения в поколение, оставаясь такими, какими их завещали нам мудрые предки. Тогда и по белоснежной тундре будут пестреть кружева оленьих троп.
Примечание: для большей достоверности и уточнения деталей ритуалов, связанных с оленьей трапезой, я проводила встречи-беседы с жителями Ямальской тундры. Это позволило глубже понять и убедиться в точности описанных мной правил, примет, предсказаний и запретов.
Я благодарна моим помощникам в создании этой работы:
1. Худи Клара Васильевна, жительница Ямальской тундры, временно по семейным обстоятельствам проживает в с. Яр-Сале.
2. Пуйко Надежда Александровна, сотрудник детского сада «Солнышко».
3. Худи Елена Пирчиковна, знаток кочевого образа жизни, жительница с. Яр-Сале.
Ирина Вануйто, педагог ненецкого языка Ямальской ЯШИ