Bugun Toshkent davlat tibbiyot universiteti va Privoljsk ilmiy-tadqiqot tibbiyot universiteti o‘rtasida uchrashuv bo‘lib o‘tdi
Uchrashuvning asosiy maqsadi ikki oliy ta’lim muassasasi o‘rtasida qo‘shma ta’lim dasturlarini amalga oshirish, ularni yanada takomillashtirish hamda hamkorlik istiqbollarini muhokama qilishdan iborat bo‘ldi.
Mehmonlarni Toshkent davlat tibbiyot universiteti rektori Shuxrat Boymuradov hamda universitet prorektorlari qabul qildi.
Tashrif davomida PTTU prorektori qo‘shma ta’lim dasturlari talabalari bilan uchrashuv o‘tkazdi. Uchrashuvda Nijniy Novgorod shahrida talabalar uchun yaratilgan sharoitlar, PTTUdagi o‘quv jarayoni, hujjatlarni rasmiylashtirish hamda yotoqxonaga joylashish masalalari yuzasidan batafsil ma’lumot va tushuntirishlar berildi.
Shuningdek, talabalar tomonidan berilgan savollarga mutaxassislar tomonidan atroflicha va to‘liq javoblar taqdim etildi.
Mazkur uchrashuv ikki oliy ta’lim muassasasi o‘rtasidagi hamkorlikni yanada mustahkamlash, qo‘shma ta’lim dasturlari samaradorligini oshirish hamda talabalar uchun yaratilgan sharoitlarni yanada yaxshilashga xizmat qiladi.
Telegram | Facebook | Instagram | YouTube
