Ozbgidromet agentligi maalumotlariga ko'ra, 17 aprel kuni O'zbekiston hududida ob havo sharoitlari beqaror bo'lishi kutilmoqda. Bu haqda Zamin.uz xabar berdi.
Respublikaning ayrim viloyatlarida yomg'ir yog'ishi va ba'zi joylarda momaqaldiroq kuzatilishi mumkin. Umumiy holatga ko'ra, mamlakatning katta qismida salqin va nam havo saqlanib qoladi.
Poytaxt Toshkent shahrida ob havo o'zgaruvchan bo'lib, qisqa muddatli yomg'ir va momaqaldiroq ehtimoli mavjud. Shamol sharq yo'nalishda 3 dan 8 metrga sekundigacha tezlikda esadi.
Harorat kechasi 9-11 daraja, kunduzi esa 14-16 daraja atrofida bo'lishi kutilmoqda. Qoraqalpog'iston Respublikasi va Xorazm viloyatlarida osmon asosan bulutli bo'ladi, biroq yog'ingarchilik kutilmayapti.
G'arbiy shamolning tezligi 7 dan 12 metrga sekundigacha yetadi. Havo harorati kechasi 5-10 daraja, kunduzi esa 12-17 darajani tashkil etadi.
Buxoro va Navoiy viloyatlarida havo asosan quruq va o'zgaruvchan bo'lib, yomg'ir yog'ishi kutilmayapti. G'arbiy shamol 9 dan 14 metrga sekundigacha tezlikda esadi.
Harorat kechasi 6-11 daraja, kunduzi esa 15-20 darajani ko'rsatadi. Toshkent, Sirdaryo, Jizzax va Samarqand viloyatlarida ob havo sharoitlari biroz noqulay bo'lishi mumkin.
Ayrim hududlarda qisqa muddatli yomg'ir va momaqaldiroq kuzatiladi. Shamol tezligi 7 dan 12 metrga sekundigacha bo'lib, harorat kechasi 6-11 daraja, kunduzi esa 13-18 darajani tashkil etadi.
Qashqadaryo va Surxondaryo viloyatlarida ob havo nisbatan barqaror bo'ladi va yog'ingarchilik kutilmaydi. Shamol tezligi 7 dan 12 metrga sekundigacha yetadi.
Havo harorati kechasi 6-11 daraja, kunduzi esa 17-22 darajani ko'rsatadi. Farg'ona vodiysi hududlari, xususan Andijon, Namangan va Farg'ona viloyatlarida yomg'ir yog'ish ehtimoli bor.
Qisqa muddatli yog'ingarchilik bilan birga ba'zi joylarda momaqaldiroq kuzatilishi mumkin. Shamol 5 dan 10 metrga sekundigacha tezlikda esadi, harorat kechasi 8-13 daraja, kunduzi esa 13-18 daraja atrofida bo'ladi.
Tog'li hududlarda ob havo sharoiti yanada murakkabroq kechadi. Vaqti-vaqti bilan yomg'ir yog'ishi va yuqori tog'larda yog'ingarchilikning qorga aylanishi mumkin.
Shu sababli sel va suv toshqinlari xavfi mavjudligiga e'tibor berish lozim. Shamol tezligi 7 dan 12 metrga sekundigacha bo'lib, harorat kechasi minus 3 dan plyus 2 darajagacha, kunduzi esa plyus 3 dan 8 darajagacha bo'ladi.
Ozbgidromet mutaxassislari avvalroq 14-17 aprel kunlari mamlakatga nam va salqin havo massalari kirib kelishi haqida ogohlantirish bergan edi. Shu sababli haroratning pasayishi, yomg'irlar yog'ishi va tog'larda qor kuzatilishi holatlari qayd etilmoqda.
Xususan, 16 aprel kuni Jizzax viloyatining Zomin va Baxmal tumanlari tog'larida qor yog'ganligi ma'lum bo'ldi.