Уфа «Китап-Байрам»га әзерләнә
«Китап-Байрам» IV Халыкара китап ярминкәсе әдәбият сөючеләрне, нәширләрне һәм авторларны янә берләштерәчәк.
Киң колачлы мәдәни вакыйга 28 майдан 30 майга кадәр Уфа шәһәренең Совет мәйданында Башкортстан Республикасы хөкүмәте ярдәме белән узачак.
Берничә ел эчендә "Китап-Байрам" мәдәни диалогның әһәмиятле халыкара мәйданчыгына әверелеп кенә калмады, ә безнең илдә иң күп йөри торган төбәк китап ярминкәсе дә булды. Ярминкәгә ел саен Русия төбәкләреннән һәм чит илләрдән йөзләгән катнашучы җыела, ә килүчеләр саны дистәләгән меңнәр белән исәпләнә. Башкортстан Республикасы ярминкәне уздыру йомгаклары буенча «Русиянең әдәби флагманы» статусына ия булды, бу проектның федераль югарылыкта оештырылуын һәм әһәмиятен ассызыклый.
2025 елда Башкортстан Республикасы һәм Русия китап берлеге хезмәттәшлек турында килешү төзеделәр. 2026 елда "Китап-Байрам" Союзның партнерлык ярдәме белән узачак, бу һөнәри программаны киңәйтү, әйдәп баручы нәшриятлар белән элемтәләрне ныгыту һәм проектның федераль катнашуын көчәйтү өчен яңа мөмкинлекләр ача.
"Китап-Байрам" - ул тере диалог, яңа ачышлар һәм илһам киңлеге. Өч көн дәвамында ярминкә мәйданчыгында көн саен 10.00 сәгатьтән 22.00 сәгатькә кадәр бай программа тәкъдим ителәчәк: тематик зоналар, китап яңалыкларын тәкъдир итү, язучылар һәм нәширләр белән очрашулар, автограф-сессияләр, дискуссияләр һәм бөтен гаилә өчен мәдәни чаралар.
Эшлекле һәм мәдәни программа кысаларында ярминкәнең һәр көне үзенең тематик юнәлешендә булачак: беренче көн – халыклар бердәмлегенә, икенчесе – традицион гаилә кыйммәтләренә, өченчесе - Русия тарихына, үткәннәрне искә алуга һәм хөрмәт итүгә багышланачак.
Быел мәгариф программасына аерым игътибар биреләчәк. Ул «Белем» Русия җәмгыяте катнашлыгында гамәлгә ашырылачак һәм экспозицияләр, ачык диалоглар, экспертлар белән мәгърифәтчелек очрашулары тәкъдим ителәчәк. Тарихи хәтер, гражданлык җаваплылыгы һәм илнең төп вакыйгаларын заманча аңлау мәсьәләләренә багышланган патриотик мәйданчык мөһим өлешкә әвереләчәк.
2026 елда «Китап-Байрам» IV Халыкара китап ярминкәсе Башкортстан Республикасының барлык муниципалитетларын колачлый - бердәм китап календаре шәһәр һәм районнарның төп вакыйгаларын берләштерә. Чараларга старт 27 майда, Гомумрусия китапханәләр көнендә биреләчәк, бу төбәк көн тәртибен федераль көн тәртибе белән синхронлаштырачак.
"Китап-Байрам" ярминкәсе мәдәни көн тәртибен формалаштыра, укуга кызыксыну уята һәм Уфаның Русиянең әдәби тормыш үзәге статусын ныгыта.
Әдәбиятны яратучыларны бу язның иң якты мәдәни вакыйгаларына кушылырга чакырабыз.
Фото: Башинформ