Чайын бир-ле Саян ажып чорук чорааш,
Чаа-дайын шөлүнге мен таварыштым:
Чакпыыл октар кулак уюк сыгырышпаан,
Частыышкын чок, анаа тайбың улуг орук.
Бии-Хем ынаар Шивилигни эрткен соонда,
Билелиг хем агып чыдар уну бо-дур.
Орук кылыр орус-быраат ажылчыннар
Ону ында «Блялик» деп бижип каан тур…
Эрткен-дүшкен чорумалдар ону көргеш,
Элдепсинип, бажын чайып турганнар боор.
Ааска-дылга ораашкы дег, шак ол сөстү
Адап чадап, өжээн-кылыы кыпкан-на боор.
Дөспес тенек кайгал эрлер тоор эвес,
Төрээн дылын көре тура оскунар бе,
Өске бир-ле будук-биле катап база,
Өжээн кончуг, Билелиг деп эдип туржук.
Ооң соонда шак ол дайын доозулбаан,
Ону катап «Блялик» деп сиилбип каан-дыр…
Угаан-мээде, чүректерде, дамыр-ханда
Уламчылап артып калган төөгү чүве.
Бии-Хемниң сынын каастап агып баткан
Билелиг хем, аян ырың ырла, ырла!
Саяннарга сээң адың чаңгыланзын,
Шапкын, күштүг чалгы, чалгы, Билелиг хем!
13. 04. 26
#енданбс
#шүлүктер