Хаҥаласка икки ыал дьиэнэн хааччыллыыга туһуламмыт өйөбүлү тутта
Дойду үрдүнэн оҕолоох дьиэ кэргэттэр дьиэнэн хааччыллыыларыгар улахан болҕомто ууруллар. Биэс уонна онтон элбэх оҕолоох ыаллар дьиэлэрин тупсарыналларыгар анаммыт бырагырааманан улууспут икки ыала – Булгунньахтаахтан тоҕус оҕолоох Лия, Ньургун Давыдовтар уонна Өктөмтөн биэс оҕолоох Сардана, Николай Сивцевтэр бүгүн СӨ Үлэҕэ уонна социальнай сайдыыга министиэристибэтиттэн дьиэ туттарга туһуламмыт сертификаттары үөрүүлээх быһыыга-майгыга туттулар.
Давыдовтар 5 285 259 солк. суумалаах харчынан өйөбүлү чааһынай дьиэ туттарга туһаныахтара, оттон Сивцевтэр – 3 699 681 cолк. суумалаах сертификаттарын дьиэ атыылаһарга кредит бастакы төлөбүрүгэр угуохтара.
Бэлиэтээн эттэххэ, улууска күн бүгүн 90-тан тахса ыал маннык уочаракка турар.
Сиhилии: https://ханаласгазета.рф/73247-2/
Ольга Гермогенова.
