🥀 Бүген Саба районы тагын бер батыр улын соңгы юлга озатты.
Чәбки-Саба авылы егете Илнур Мәвләвиев махсус хәрби операциядә үзенең Ватан алдында изге бурычын үтәгәндә вафат булды.
Батыр егетне соңгы юлга озатырга Федераль салым хезмәтенең ТР буенча идарәсе җитәкчесе урынбасары Андрей Никиташин, Саба муниципаль районы башлыгы урынбасары Расих Закирҗанов, Саба һәм Теләче районнары буенча хәрби комиссар Фәнис Закиров, мәрхүмнең якыннары, туганнары, классташлары, авылдашлары килде.
Илнур хезмәткә контрaкт нигезендә алына. 2026 елның 7 апрелендә 47 яшьлек Илнур Мәвләвиев батырларча һәлак булуы турында хәбәр килә.
«Хөрмәтле җитәкчеләр, авылдашлар, классташлар барыгызга да зур рәхмәт. Илнур үз иленең чын патриоты булды.
“Махсус хәрби операциядәге егетләр землянкада ятканда, нишләп без монда булырга тиеш”, – дип махсус хәрби операциягә үз теләге белән Ватанны сакларга китте», – дип сөйләде Илнурның бертуган абыйсы Рөстәм Мәвләвиев.
Илнур Мәвләвиевның җәсәден Чәбки-Саба авылы зиратына җирләделәр.
