ЖДПУ вакиллари Туркияда: Амалиёт ва халқаро тақдимот!
Жиззах Давлат Педагогика Университети (ЖДПУ) вакиллари Туркиянинг нуфузли Анадолу университетида халқаро ҳамкорлик доирасида амалиёт ўтамоқда.
Филология факультети доценти в.б. Қурбонова Гулбаҳор Сафаровна ҳамда Зулфия номидаги давлат мукофоти совриндори Висола Турсунова мазкур амалиётда фаол иштирок этмоқдалар.
Амалиёт давомида университет профессор-ўқитувчилари ва раҳбарияти учун “Ўзбекистон таълим тизимидаги ютуқлар” мавзусида тақдимот ўтказилди. Унда хусусан, Президент, ижод ва ихтисослаштирилган мактаблар ҳақидаги маълумотлар йиғилганларда катта қизиқиш уйғотди.
Шунингдек, тадбир доирасида Висола Турсунова турк тилида нашр этилган “Ҳилвис” номли шеърий тўпламини тақдим этишга муваффақ бўлди.
Бу каби халқаро ушувлар Ўзбекистон таълим тизимининг нуфузини ошириш ва маданий алмашинувларни мустаҳкамлашга хизмат қилади.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
