Башҡортостанда дауыл сығыуы хаҡында иҫкәртәләр
Иртәгә, 10 апрелдә, республикала болотло һауа торошо, урыны менән көслө ямғыр яуыуы көтөлә. Ел көньяҡ-көнсығыштан, тиҙлеге секундына 17-22 метр. Төндә +3°+8°, төньяҡта -2°, көндөҙ +5 ° +10°. Юлдарҙа ямғырҙа күреү мөмкинлеге - 1-2 саҡрым.
Шәмбе,11 апрелдә, урыны менән бер аҙ ямғыр яуа. Ел көнбайыштан, көнсығыштан талғын, урыны менән көсәйеүсән. Һауа температураһы төндә
-2,+3°, көндөҙ +7,+12°, көньяҡта +17°-ҡа тиклем.
Водителдәргә кәңәштәр: тиҙлекте кәметегеҙ, дистанция һаҡлағыҙ, гаджеттарға әүрәмәгеҙ. Ямғыр һәм томан ваҡытында киҫкен маневрҙарҙан һәм уҙып китеүҙәрҙән тыйылығыҙ. Иҫке ағастар һәм көсһөҙ конструкциялар аҫтында туҡталмағыҙ. Ҡайышығыҙҙы элегеҙ.
Йәйәүлеләргә: төҙөлөп бөтмәгән биналарҙан, реклама щиттарынан һәм туҡталыштарҙан алыҫ тороғоҙ – ел уларҙы емереүе бар. Юлдарҙа иғтибарлы булығыҙ.
Беҙҙе уҡығыҙ:
