Древний текст акафиста, исправленный Никодимом Святогорцем, с начальными и заключительными молитвами на русском языке с ударениями для удобства келейного (домашнего) чтения.
Начальные молитвы
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас (трижды).
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды).
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на Небесех! Да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Господи, помилуй (12 раз).
Слава, и ныне.
Приидите, поклонимся Цареви нашему Богу.
Приидите, поклонимся и припадем Христу, Цареви нашему Богу.
Приидите, поклонимся и припадем Самому Христу, Цареви и Богу нашему.
Псалом 50
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониях зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.
Афонский акафист
Кондак 1
Архангелов Троицы восхвалим,/ Михаила и Гавриила вси празднолюбцы, /осеняемии кровом крилу их./ И от всяких напастей избавляемии,/ Единому взывая:/ Радуйся, закона служителю./ Другому же глаголя:// Радуйся, благодати вестниче.
Икос 1
Ангел, чиноначальник невещественных ангелов, создан еси от Бога всевиновнаго в умном молчании, Михаиле, света перваго света сый вторый. Темже ти радуяся, пения возглашаю сия:
Радуйся, ума мирозиждительнаго создание.
Радуйся, света первосветнаго сияние.
Радуйся, Божеству предстоятелю огненный.
Радуйся, Троицы служителю неутомимый.
Радуйся, душе Богоподобный, невещественный, огнепламенный.
Радуйся, существо безсмертное, Бога песнословящее.
Радуйся, огненнаго небесе первостоятелю.
Радуйся, мира умнаго начальниче.
Радуйся, светило Чинов благодарных.
Радуйся, попалителю духа неблагодарнаго.
Радуйся, имже естество Ангелов устоя.
Радуйся, имже сатана низложен бысть.
Радуйся, закона служителю.
Радуйся, благодати вестниче.
Кондак 2
Видяй неблагодарныя возставшия ангелы и падающия с небесе огненнаго, Божественный Михаиле, яко благодарный раб, став, возопил еси: станем добре и вонмем, поя Троице песнь: Аллилуиа.
Икос 2
Ведений сокровенных и советов Всевышняго явился еси, Гаврииле, тайноприимник, грядущих предведение показуяй и радостны благовестия земнородным возвещаяй. Сего ради любовию поощряюся воспевати тебе сице:
Радуйся, света неуразуменнаго зерцало.
Радуйся, тайн Бога вестниче.
Радуйся, сокровенных советов узрение.
Радуйся, неизреченных Бога провещание.
Радуйся, возсияваяй в уме ведение сокровенное.
Радуйся, сицевое людям светло озаряяй.
Радуйся, служителю Божественных Евангелий.
Радуйся, просвещателю событий радостотворных.
Радуйся, многих неуясненных уяснение.
Радуйся, нередких грядущих предведение.
Радуйся, имже радость вселися.
Радуйся, имже печаль изгнася.
Радуйся, закона служителю.
Радуйся, благодати вестниче.
Кондак 3
Даниилу Пророку, паче всех пророк, показал еси странное таинство страшнаго пришествия Христова и смотрения, Гаврииле величайший, и того вразумил еси Богу во благодушии пети: Аллилуиа.
Икос 3
Имеяй, Михаиле Божественный уме, тезоименитство силы Божия, выну показался еси силен во бранех и Иакова в борьбе укрепил еси, побеждая языки иноплеменныя. Сего ради силу твою величаю:
Радуйся, паче огня действеннейший.
Радуйся, пламене сый быстрейший.
Радуйся, потопивый воинства Египтян.
Радуйся, расторгий союзы Хананеев.
Радуйся, яко укрепил еси Моисея и Аарона.
Радуйся, яко ободрил еси Иисуса сына Навиина.
Радуйся, Ассириев воинство посецый.
Радуйся, Сиона Амморейска поправый.
Радуйся, Ога Васанска погубление.
Радуйся, мертва Моисея свобождение.
Радуйся, имже нечестивии потребляются.
Радуйся, имже благочествии возвышаются.
Радуйся, закона служителю.
Радуйся, благодати вестниче.
Кондак 4
Михаиле Ангелоначальниче, умоли Бога твоими мольбами жити нам добродетельно, с любовию совершающим честный твой собор, и сподоби начавших лучшее житие с тобою Богу песнь воспевати: Аллилуиа.
Икос 4
Пришел еси от Вышняго, Гаврииле Божественный уме, радостны благовестия носяй ко Иоакиму и Анне и сих безчадное неплодие разрешаяй. Сего ради веселяся, с верою вопием ти:
Радуйся, благих вестниче.
Радуйся, нераждающих радосте чадоносная.
Радуйся, безплодных Богодарованное всеплодие.
Радуйся, безчадных Богоугодное очадие.
Радуйся, яко Богопраотцу принесл еси рождие честное.
Радуйся, Богопраматери даровал еси плод чрева.
Радуйся, бесчадия узы разрешаяй.
Радуйся, раждаемых благодать предвозвещаяй.
Радуйся, отцев многих похвало.
Радуйся, матерей добрый утешение.
Радуйся, имже умножается род человеческий.
Радуйся, имже предвозвещается наследие.
Радуйся, закона служителю.
Радуйся, благодати вестниче.
Кондак 5
К Богородице Марии, мира Владычице, всельшейся во храме Господнем, послан был еси Гаврииле, носяй скоро хлеб небесный и возбуждаяй ю всегда Богу взывати тако: Аллилуиа.
Икос 5
Слуги бывшыя Богу, чиноначальниче, праотцы древния избавил еси от многих зол, Михаиле, и Иудейскому народу был еси всегда предходяй. Сего ради взываю к тебе:
Радуйся, Исаака от заколения избавивый.
Радуйся, Авраама радостию исполнивый.
Радуйся, жаждущаго Исмаила утоление.
Радуйся, Агари плачущия странное утешение.
Радуйся, столпе огнезрачный, предводяй Исраиля.
Радуйся, облако златотканное, покрывающее его в пути.
Радуйся, спасый первороднаго у Евреев.
Радуйся, избивый первенца у Египтян.
Радуйся, светлая Иудеев похвало.
Радуйся, крепкое закона ограждение.
Радуйся, народ из Египта изведый.
Радуйся, в землю благую его приведый.
Радуйся, закона служителю.
Радуйся, благодати вестниче.
Кондак 6
Снизшед на гору Синайску Бог великий и хотяй закон дати евреем, служением и посредством твоим, Михаиле высочайший, изглаголал еси его Моисею и научил пети тако: Аллилуиа.
Икос 6
Избавления и спасения народу чающему некогда священнику Захарии во храме Божием, Гаврииле, предвозвестил еси Божественнаго Предтечи рождение. Сего ради твоему дивяся благовестию, взываю:
Радуйся, в рожденных женами большаго предвозвестивый.
Радуйся, ангела отцу показавый.
Радуйся, Захарии вожделеннейшее проглаголание.
Радуйся, Еслисаветы сладчайшее услышание.
Радуйся, яко благовестил еси о Крестителе Христовом.
Радуйся, яко предрекл еси втораго Илию.
Радуйся, проповедника покаяния проповедниче.
Радуйся, света светильника всеуслышная трубо.
Радуйся, начала благодати провозглашение.
Радуйся, разсвета дне предвозвещение.
Радуйся, начинание спасения земнородных.
Радуйся, основание нам Царствия Христова.
Радуйся, закона служителю.
Радуйся, благодати вестниче.
Кондак 7
Хотяй воскресити уже умерша плотию и четверодневна смердяща Лазаря, Преблагий Бог благоволил есть ти, Гаврииле великий, благовестити сие воскресение. Темже усердно воспеваем: Аллилуиа.
Икос 7
Новый тя показа Всевышний Архангела, начальника всем Силам Безплотным, Михаиле, да предстоиши Престолу Славы и предваряеши прошения верных, приносящих Богу хвалу. Темже и мы грешнии, с любовию вопием ти:
Радуйся, Царя Славы первый Престольниче.
Радуйся, Ангелов и человеков предстателю теплый.
Радуйся, прибежище и покрове верным.
Радуйся, скорый помощниче всем призывающим тя.
Радуйся, предстателю страшный, прогоняяй полки вражия.
Радуйся, поборниче крепкий, одолеваяй силы демонския.
Радуйся, яко тобою прославляется Бог во Ангелех.
Радуйся, яко тобою посрамляется диавол во аде.
Радуйся, наказание непокоривым.
Радуйся, похвало и радование послушливым.
Радуйся, ходатаю Царствия Небеснаго.
Радуйся, сожителю вечнаго блаженства.
Радуйся, закона служителю.
Радуйся, благодати вестниче.
Кондак 8
Странное и страшное бысть явление твое, Гаврииле, в видении пророку Даниилу, возвещая ему лета седмин и пришествие антихриста. Он же ужасашеся зря, ты же рекл еси ему: уповай о Господе и не бойся, вопия Богу: Аллилуиа.
Икос 8
Весь был еси, Михаиле, свет Божественный, отражаяй тьму адскую и просвещаяй всяческая. Темже молим тя, просвети наша душевныя очи, да зовем:
Радуйся, светом невечерним осиянный.
Радуйся, красотою райскою украшенный.
Радуйся, неизреченныя славы Божия зрителю.
Радуйся, великия державы Божия служителю.
Радуйся, яко тобою познавается Пресвятая Троица.
Радуйся, яко тобою прославляется Господь Саваоф.
Радуйся, заблуждших на путь правый наставляяй.
Радуйся, от ересей и расколов ограждаяй.
Радуйся, врагов видимых и невидимых победителю.
Радуйся, от огня и меча, и напрасныя смерти избавителю.
Радуйся, покаяния грешником подателю.
Радуйся, болезней и печалей целителю.
Радуйся, закона служителю.
Радуйся, благодати вестниче.
Кондак 9
Все естество ангельское радовалось есть велиею радостию о Пресвятей Деве, приемшей плотию Бога Слова; ты же, Гаврииле Архистратиже, ликовствовал еси, предстоя Ей со страхом и трепетом, взывая: Аллилуиа.
Икос 9
Ветийства человеческая не возмогут достойно восхвалити твоя чудеса, Михаиле Архистратиже, яко вострубиши в последний день, возставиши мертвыя и собереши избранныя на суд. Сего ради со страхом вопием ти:
Радуйся, трубный гласе воскресения мертвых.
Радуйся, страшный проповедниче суда праведнаго.
Радуйся, разделяяй овцы от козлищ.
Радуйся, грешники в муку вечную отсылаяй.
Радуйся, праведники в рай вводяй.
Радуйся, Царство Небесное отверзаяй.
Радуйся, праотцев и пророков радование.
Радуйся, апостолов и мучеников утверждение.
Радуйся, преподобных и праведных венче.
Радуйся, всех святых похвало.
Радуйся, великий Архистратиже сил Господних.
Радуйся, всечестный воеводо Царя Славы.
Радуйся, закона служителю.
Радуйся, благодати вестниче.
Кондак 10
Спасти хотяй род человеческий, искупил ны есть Христос Бог Своею Кровию; Той же посла тебе, Гаврииле, благовестити миру радость велию, яко родися Спаситель мира. Мы же, славяще Воплощение Бога Слова, вопием Ему: Аллилуиа.
Икос 10
Стена и покров нам еси, Михаиле Архистратиже, и молитвенник ко Господу. Прибегаем убо к тебе верою и любовию, да покрыеши нас от всех враг видимых и невидимых и от напрасныя смерти, да зовем ти:
Радуйся, адаманте твердый, веру нашу утверждаяй.
Радуйся, щите непробиваемый, молитвы наша ограждаяй.
Радуйся, от труса, потопа и огня избавляяй.
Радуйся, от меча и нашествия иноплеменных защищаяй.
Радуйся, в битвах воинству помогаяй.
Радуйся, плененным свободу испрошаяй.
Радуйся, сущим в темницах и оковах утешение.
Радуйся, сирых и вдовиц заступление.
Радуйся, в час кончины нашея предстателю.
Радуйся, от мытарств воздушных избавителю.
Радуйся, грехов прошение у Бога испрошаяй.
Радуйся, нас в Небесныя обители вводяй.
Радуйся, закона служителю.
Радуйся, благодати вестниче.
Кондак 11
Пение хвалебное приносим ти, Гаврииле Архистратиже, по долгу хваляще тя, яко великаго служителя таин Божиих. Ты же предстательством твоим ко Господу избави нас от вечныя муки, да зовем: Аллилуиа.
Икос 11
Светозарный луч в мрачной юдоли жития сего видим тя, Михаиле Архистратиже, яко просвещаеши нас светом разума и огнем любве распаляеши сердца наша. Сего ради со дерзновением зовем:
Радуйся, светом Божественным озаренный.
Радуйся, силою Святаго Духа исполненный.
Радуйся, безвестная и тайная ведущий.
Радуйся, волю Божию нам открывающий.
Радуйся, благочестно жити нас научаяй.
Радуйся, от греха и скверны омываяй.
Радуйся, яко тобою побеждаются страсти.
Радуйся, яко тобою умирают похоть и лесть.
Радуйся, отчаяния и уныния искоренителю.
Радуйся, любве и целомудрия насадителю.
Радуйся, веселие духовное нам подаваяй.
Радуйся, мир и радость о Христе низпосылаяй.
Радуйся, закона служителю.
Радуйся, благодати вестниче.
Кондак 12
Благодать Божественную приимше от Всевышняго, Гаврииле блаженне, научи ны немолчно славити Пресвятую Троицу, Ейже предстоиши со всеми Силами Небесными, да вопием: Аллилуиа.
Икос 12
Поюще твоя чудеса, Михаиле Архистратиже, хвалим тя, яко великаго победителя врагов и заступника нашего. Молим тя, не престай молитися о нас ко Господу, да спасет ны, вопиющия ти сице:
Радуйся, градов и весей наших ограждение.
Радуйся, Церкве Христовой утверждение.
Радуйся, православных людей покрове.
Радуйся, иереев Божиих радование.
Радуйся, иноков и инокинь наставниче.
Радуйся, мирян благочестивых учителю.
Радуйся, старых и немощных укрепление.
Радуйся, юных и девственных охранение.
Радуйся, от злых человек избавление.
Радуйся, от навета вражия сохранение.
Радуйся, с нами во вся дни пребываяй.
Радуйся, и по смерти нас не оставляяй.
Радуйся, закона служителю.
Радуйся, благодати вестниче.
Кондак 13 (читается трижды)
О, преславнии и превознесеннии Архангели Господни, Михаиле и Гаврииле, и вси Небесныя Силы Безплотныя! Услышите нас, грешных, молящихся вам и призывающих имя ваше святое. Избавите нас от всяких бед и скорбей, и молитвами вашими о нас да сподобимся в Царствии Небеснем купно с вами воспевати Богу: Аллилуиа.
(Этот кондак читается трижды подряд)
Затем повторяется Икос 1 и Кондак 1.
Молитва Архангелам Михаилу и Гавриилу
О, святии Архангели Божии, Михаиле и Гаврииле! Даждьте ми, рабу Божию (имя), оставление прегрешений, избавите мя от наветов вражиих, от напрасныя смерти и от всякаго зла. Сохраните мя, велиции Архангели, от уныния, страха и потопления греховнаго. Будите ми помощницы и поборницы на вся враги видимыя и невидимыя, да с вами славлю Отца и Сына и Святаго Духа, ныне и присно и во веки веков. Аминь.
Дорогие друзья, подписывайтесь на мою страницу.
Поддерживайте посильной денежной помощью работу автора по ссылке. >