🔊⭕️⭕️⭕️⭕️
🔴Toshkent davlat tibbiyot universitetida “Yangi O‘zbekiston talabalar olimpiadasi” boshlandi
Ayni damda Toshkent davlat tibbiyot universitetining “Shifokor” sport majmuasida “Yangi O‘zbekiston talabalar olimpiadasi”ga rasman start berildi.
Mazkur olimpiada talaba-yoshlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish hamda jismoniy faollikni keng ommalashtirishga qaratilgan muhim tadbirlardan biri hisoblanadi.
Tadbirda O‘zbekiston Respublikasi Sport vazirligi Ommaviy sportni rivojlantirish bo‘limi boshlig‘i Sherzod Olimov, Toshkent davlat tibbiyot universiteti rektori, professor Shuxrat Boymuradov hamda talaba-yoshlar ishtirok etmoqda.
Olimpiada doirasida turli sport musobaqalari tashkil etilishi rejalashtirilgan bo‘lib, unda ishtirokchilar o‘z mahorati, jismoniy tayyorgarligi va jamoaviy ruhini namoyon etish imkoniyatiga ega bo‘ladilar.
Mazkur tadbir yoshlar o‘rtasida sog‘lom raqobat muhitini shakllantirish, iqtidorli sportchilarni aniqlash hamda ularni qo‘llab-quvvatlashga xizmat qiladi.
Telegram | Facebook | Instagram | YouTube
