Республикала юлдар, күперҙәр һыу аҫтында ҡалған
Яҙғы ташҡынға бәйле оператив хәл нисек тора?
Ташҡын хәүефе осоро башланғандан алып Ғәҙәттән тыш хәлдәр министрлығының Башҡортостан буйынса Баш идаралығына яҙғы ташҡын менән бәйле 186 хәбәр килгән (тәүлек эсендә +5).
14 муниципаль берәмектә 21 хәл, Баймаҡ, Белорет, Бишүләк, Бөрө, Баҡалы, Ҡырмыҫҡалы, Ҡалтасы, Иглин, Күгәрсен, Шишмә, Мәсетле, Саҡмағош, Яңауыл райондарында һәм Өфө ҡалаһы ҡала округында 12 юл участкаһында юл, 6 күпер, 47 баҡса яны участкаһы? һыу баҫыуы сәбәпле, контролдә тотола.
Рәсәй Ғәҙәттән тыш хәлдәр министрлығы хеҙмәткәрҙәре республиканың һыу объекттарында хәлде тәүлек әйләнәһенә күҙәтеүен дауам итә. Баш идаралыҡтың оператив төркөмдәре эше ойошторолған, пилотһыҙ авиация системалары ҡулланыла.
Ғәҙәттән тыш хәл килеп тыуһа, 112 һандарына шылтыратығыҙ.
Фото: Рәсәй Ғәҙәттән тыш хәлдәр министрлығының Башҡортостан буйынса Баш идаралығынан.
