Диктант яз һәм белемеңне тикшер!
Ел саен үткәрелә торган «Тоталь диктант» акциясе узачак.
Агымдагы елның 18 апрелендә Башкортстанда, бөтен Русиядәге кебек үк, ел саен үткәрелә торган «Тоталь диктант» акциясе узачак.
Чара урыс телен белү дәрәҗәсен объектив бәяләргә һәм күләмле белем бирү хәрәкәтенең бер өлеше булырга теләгән мәктәп укучыларын, студентларны, педагогларны, бизнес вәкилләрен һәм төбәкнең барлык халкын берләштерәчәк.
Акциядә катнашу өчен рәсми сайтта, шулай ук төбәк мәгълүмат порталлары һәм мәдәният учреждениеләре аша теркәлергә мөмкин.
Рәсми сайтта офлайн- форматта катнашу өчен үзеңә яраклы мәйданчык сайларга мөмкин. “Тоталь диктант " акциясе 18 апрельдә Уфа вакыты белән 13:00 сәгатьтә башлана.
«Тоталь диктант» та онлайн-форматта да катнашырга мөмкин. 18 апрельдә көн дәвамында теләге булган һәркем сайтка кереп, онлайн-форматта индивидуаль диктант яза ала. Мәйданчыклар Уфада гына түгел, Стәрлетамак, Салават, Нефтекама, Бөре, Мәләвез, Ишембай, Туймазы һәм башка эре муниципаль берәмлекләрдә дә ачылачак.
Беренче "Тоталь диктант" 2004 елда Новосибирск дәүләт университетының гуманитар факультеты студентлары тарафыннан үткәрелгән. 2025 елда чара, 1,3 миллионнан артык кешене берләштереп, барлык континентлардагы 112 илне үз эченә алды.
«Тоталь диктант» проекты Русия Хөкүмәтенең «Фәнгә тугрылык өчен» һәм «Мөмкинлекләр иле» номинациясендә #МЫВМЕСТЕ премияләренә лаек булды, бу аның алдынгы ирекмәннәр хәрәкәте статусын ассызыклый.
“Тоталь диктант " – партнерлар, иганәчеләр, грант бирүчеләр ярдәмендә волонтер-оештыручылар көче белән гамәлгә ашырыла торган иҗтимагый башлангыч. 2026 елда “Тоталь диктант " Президент грантлары фонды ярдәмендә узачак. Акциянең оештыручысы — «Тоталь диктант» гражданнарның тел мәдәниятенә ярдәм итү фонды.
Башкортстан һәрвакыт тел күптөрлелеген саклауга һәм гражданлык бердәмлеге, интеллектуаль үсеш һәм социаль мобильлек нигезләре буларак урыс теленең статусын ныгытуга юнәлтелгән проектларны хуплый.