Вуз 10 миллион һум күләмендә субсидия аласаҡ
Ярымфиналсылар иҫәбенән алты финал командаһы, кадрҙар резервы өсөн 30 лидерҙан торған реестр төҙөлә, бер үк ваҡытта мәктәптәр һәм колледждарҙан 100 куратор әҙерләнә, ул фестивалде йыл һайын киңәйтергә мөмкинлек бирәсәк.
Евразия фәнни-белем биреү үҙәгенең вуз-ара студенттар кампусы резиденты – Өфө фән һәм технологиялар университеты «Беренселәр хәрәкәте» дөйөм Рәсәй балалар һәм йәштәр йәмәғәт-дәүләт хәрәкәтенең гранттар конкурсы еңеүселәре иҫәбенә инде. Университет үҫеп килгән быуынды үҫтереүгә һәм тормошҡа ашырыуға йүнәлтелгән проект әүҙемлеген бойомға ашырыуға 10 миллион һум күләмендә субсидия аласаҡ.
Өфө университетының «Киләсәк моторҙары» алдынғы инженерҙар мәктәбе командаһы проекты – «Техно-осош» төбәк электр механикаһы һәм пилотһыҙ авиация инженерҙар фестивале ярҙам алды. Ул «Ынтыл һәм ас!» фән һәм технологиялар йүнәлешендә тәҡдим ителде. Проект Рәсәй технологиялары нигеҙендә пилотһыҙ осоу аппараттарын һәм электр-механик системаларын әҙерләү өлкәһендә мәктәп уҡыусыларының һәм студенттарҙың ғилми-тикшеренеү эшмәкәрлеген популярлаштырыуға йүнәлтелгән.
Проект етәксеһе, «Киләсәк моторҙары» инженерҙар мәктәбе студенты Нурислам Мөхәмәтуллин пландары менән уртаҡлашты:
– «Техно-осош» Башҡортостандың барлыҡ райондарынан 4 мең уҡыусыға һәм колледж студенттарына иҫәпләнгән. Тестар, эсселар һәм ватан пилотһыҙ осоу аппараттары буйынса проекттарҙы үҙ эсенә алған дистанциялы һайлап алыу турын үтә. Ярымфиналсылар иҫәбенән алты финал командаһы, кадрҙар резервы өсөн 30 лидерҙан торған реестр төҙөлә, бер үк ваҡытта мәктәптәр һәм колледждарҙан 100 куратор әҙерләнә, ул фестивалде йыл һайын киңәйтергә мөмкинлек бирәсәк.
Белешмә өсөн:
Рәсәй Президенты Владимир Путиндың ҡушыуы буйынса илдә заманса кампустар селтәре булдырыла. 2030 йылға 25 кампус барлыҡҡа килергә тейеш. Эште Рәсәй Федерацияһы Хөкүмәте һәм Рәсәй Мәғариф һәм фән министрлығы алып бара. Әлеге ваҡытта «Йәштәр һәм балалар» милли проекты ярҙамында 24 кампус проектлана һәм төҙөлә. 2036 йылға кампустар һаны 40-ҡа етәсәк.
Өфө вуз-ара кампусы – ул 4,3 мең кешегә иҫәпләнгән торлаҡ биналары, уҡыу фәнни комплексы, лабораториялар, эшлекле зоналар, магазиндар, скверҙар һәм башҡа төрлө уңайлы ҡала мөхите объекттары булған студенттар киңлеге.
Фото һәм сығанаҡ: pravitelstvorb.ru
Беҙҙең МАХ каналына https://max.ru/gazetabashkortostan ҡушылығыҙ!