Учалы дауаханаһы яңы медицина ҡорамалдары менән тулыланды
Эксперт класындағы портатив ультратауыш аппараты алдынғы клиник практика тәжрибәһен ҡулланырға теләүсе табип өсөн идеаль ҡарар. Һүрәттең юғары сифаты һәм сканерҙың файҙаланыуҙағы ябай функциялары ультратауышлы тикшереү контроле аҫтында диагностикалау һәм инвазив процедураларҙы үткәрергә ярҙам итә.
Башҡортостан Республикаһының Учалы дауаханаһына яңы УЗИ-аппарат килде. Был “Оҙайлы һәм әүҙем тормош” (национальный проект “Продолжительная и активная жизнь”) милли проектын ғәмәлгә ашырыу һөҙөмтәһендә мөмкин булды, тип хәбәр иттеләр республиканың Һаулыҡ һаҡлау министрлығынан.
Эксперт класындағы портатив ультратауыш аппараты - алдынғы клиник практика тәжрибәһен ҡулланырға теләүсе табип өсөн идеаль ҡарар. Һүрәттең юғары сифаты һәм сканер файҙаланыуҙағы ябай функциялары ультратауышлы тикшереү контроле аҫтында диагностикалау һәм инвазив процедураларҙы үткәрергә ярҙам итә.
— Яңы УЗИ-аппарат организмдың төрлө ағзалары һәм системалары ауырыуҙарын диагностикалау сифатын да, тиҙлеген дә ярайһы уҡ күтәрергә мөмкинлек бирҙе, - тип билдәләне ультратауыш диагностикаһы табибы Юлиә Бүләкбаева.
Башҡортостанда медицина йылдан-йыл уңайлыраҡ һәм замансараҡ була бара. Һаулыҡ һаҡлауҙың беренсел звеноһын үҫтереү тәү сиратта ғүмер оҙайлығын арттырыуға һәм республика халҡының медицина ярҙамы менән ҡәнәғәтлек кимәлен арттырыуға йүнәлтелгән.
Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.
Беҙҙең МАХ каналына ҡушылығыҙ: https://max.ru/gazetabashkortostan