➡️Islom sivilizatsiyasi markazida “Dinshunoslik” fanidan amaliy mashg‘ulot tashkil etildi!
🔺Toshkent davlat tibbiyot universiteti Ijtimoiy fanlar, pedagogika va psixologiya kafedrasi mudiri, professor Sh. Shoyimova rahbarligida joriy yilning 3-aprel kuni talabalar uchun “Dinshunoslik” fanidan amaliy mashg‘ulot Islom sivilizatsiyasi markazida o‘tkazildi.
🔹Mazkur amaliy mashg‘ulotdan ko‘zlangan asosiy maqsad - talabalarni milliy va umuminsoniy qadriyatlar, boy tarixiy-ma’naviy merosimiz hamda islom sivilizatsiyasining jahon ilm-fani va madaniyati rivojidagi beqiyos o‘rni bilan yaqindan tanishtirishdan iborat bo‘ldi.
🔺Mashg‘ulot davomida talabalar markazning zamonaviy infratuzilmasi, ilmiy va ma’rifiy faoliyati bilan bevosita tanishdilar. Ayniqsa, nodir qo‘lyozmalar fondi, qadimiy manbalar, interaktiv ekspozitsiyalar hamda raqamli texnologiyalar asosida yaratilgan ko‘rgazmalar ularda katta taassurot qoldirdi.
🔺Shuningdek, mashg‘ulot jarayonida buyuk allomalarimizning ilmiy merosi, ularning tibbiyot, falsafa va tabiiy fanlar rivojiga qo‘shgan ulkan hissasi haqida batafsil ma’lumotlar berildi. Bu esa, talabalarda o‘z kasbiga bo‘lgan qiziqish va mas’uliyat hissini yanada mustahkamladi.
🔺Yakunda talabalar mutaxassislar bilan muloqot qilib, o‘zlarini qiziqtirgan savollarga atroflicha javob oldilar.
🔹Fan o‘qituvchilari: Z.Sagatova, G.Jumanova, E.Raxmonova.
✅Rasmiy sahifalarimiz:
Telegram | Facebook | Instagram | YouTube | X | LinkedIn
