Мәҙәни-белем биреү үҙәге асыласаҡ
“Библиотамсы”ла заманса шарттар булдырыла.
Ишембай ҡалаһында “Библиотамсы” тигән балаларҙың мәҙәни-белем биреү үҙәге асыласаҡ. Был биләмә “Ғаилә” милли проекты (национальный проект “Семья”) буйынса төҙөкләндерелде, тип хәбәр итә райондың мәҙәниәт бүлеге.
Бөгөн учреждение әүҙем рәүештә техник йыһазландырыу эштәрен алып бара: видеоблогинг өсөн комплекттар, тоҡандырыла торған смартфондар, микрофон техникаһы, мобиль ҡоролмалар өсөн штативтар, тотҡостар, шулай уҡ портатив акустика системалары алынған.
Үҙәкте йыһазландырыу менән бер рәттән уңайлы мөхит булдырыла. Бының өсөн заманса компьютер өҫтәлдәре, ултырғыстар алынған. Учреждениеның залдарында интерактив панель, кондиционер ҡуйылған.
Яңы биләмәнең майҙаны 88 квадрат метрҙан ашыуыраҡ. Ул Ишембайҙың үҙәк балалар китапханаһы нигеҙендә булдырыла. Унда шәхси уҡыу, тыныс ял өсөн зоналар, күңел асыу майҙансығы, оҫталыҡ дәрестәре уҙғарыу өсөн урындар бүленәсәк.
“Ғаилә” милли проекты балалы ата-әсәләргә ярҙам итеү өсөн сараларҙы үҙенә берләштерә: әсәлек капиталы түләнә, икенсе, өсөнсө һәм артабанғы балалар тыуһын өсөн өҫтәмә дәртләндереү булдырыла.
“Пушкин картаһы” программаһы эшләүен дауам итә. Был 14-22 йәшлектәргә бушлай музейҙарға театрҙарға, кинозалдарға, башҡа мәҙәни учреждениеларға йөрөргә мөмкинлек бирә.
Милли проекттар Рәсәй Президенты Владимир Путиндың ҡарары буйынса тормошҡа ашырыла.
Автор фотоһы.