⚡ Герой-шәһәр Тулада ветераннар арасында җиңел атлетика буенча Россия чемпионаты үткәрелде. Ярышта 500дән артык спортчы катнашты.
Татарстан җыелма командасын Саба районы ир-егетләре уңышлы тулыландырды.
Югары Утардан Фәннур Бәшәров 3 һәм 5 километрлы арада спортча йөрүдә (спортивная ходьба) ике көмеш медальгә ия булды.
Сабадан Әмин Миңнегулов 5 төрле ярышта (пятиборье) шулай ук 2нче урынны алды. Алардан тыш Рамил Яппаров (Шәмәрдән) Рифнур Мәхмүтов (Шекше), Азат Дәүләтшин (Урта Саба) күптөрле йөгерү дистанцияләрендә катнашып, республика командасын 4нче урынга чыгардылар. Призерлар Мәскәү (1), Чиләбе (2), Мәскәү өлкәсе (3) командалары.
Шул ук шәһәрләр арасында ярышлар барды. Чиләбе шәһәре –1нче, Казан –2нче, Тула 3нче урынга чыкты.
