Алты көн, уникешәр сәгать эшләргә!
Русиялеләргә алты көнлек эш атнасына күчәргә тәкъдим иттеләр.
Эшкуар Олег Дерипаска үзенең Telegram-каналында русиялеләрне алты көнлек эш графигына күчерү тәкъдиме белән чыгыш ясады — 08:00дән 20:00гә кадәр, шимбәне дә кертеп. Бизнесмен фикеренчә, мондый чара илгә агымдагы икътисади кризисны җиңәргә ярдәм итәчәк.
Дерипаска авырлыкларның сәбәпләре катгый акча‑кредит сәясәте, югары банк ставкалары һәм сумның ныгуына караганда тирәнрәк ята дип саный. Аның сүзләренчә, проблема күләмле трансформация белән бәйле: Русия глобаль икътисади мөмкинлекләрдән төбәк чикләүләр шартларында эшләүгә күчә.
Бизнесмен ассызыклаганча, хәлдән чыгу русиялеләрнең милли үзенчәлегенә таяна. Катлаулы чорларда җәмгыять мобилизацияләнә һәм хезмәт көчен арттыра белә.
«Без үзебез никадәр тизрәк бу яңа графикка күчсәк — сигездән сигезгә кадәр, шимбәне дә кертеп, - шулкадәр тизрәк бу трансформацияне узачакбыз», - дип билгели бизнесмен.