Авокадоны ничек тиз өлгертергә?
Әгәр кибеттән таш кебек каты җимеш алып кайтсагыз, түбәндәгечә эшләргә киңәш итәбез.
Авокадоның бик файдалы җимеш булуын күпләр белә. Тик күпчелек очракта кибеттә таш кебек каты авокадо сатыла. Сатып алган очракта, аны өйдә төн эчендә өлгертергә һәм иртәнге ашка йомшак итеп кулланырга була. Ничек итеп, дисезме?
Авокадоны өлгертү төгәл фән белән бәйле. Барысын да этилен: "өлгергәндә" җимешләр бүлеп чыгара торган газ хәл итә. Яшел авокадо — йоклап яткан вулкан кебек: аны янәшәсенә алма, яки банан куеп "уятырга" мөмкин.
Авокадоны алма кисәге белән бергә кәгазь сөлгегә төрегез, контейнерга салыгыз — 6-8 сәгатьтән йомшак җимеш әзер булачак. Авокадоны тиз өлгертү өчен газ миче дә ярдәм итәр. Җимешне фольгага төрегез һәм 10 минутка 200 градуска кадәр кыздырылган мичкә куеп алыгыз. Җимешнең эче йомшара, ләкин җиңелчә генә әчкелтем тәме калачак. Бутерброд яратучыларга бу җимешнең табигый өлгерүен көтү яхшырак — термоэшкәртү аның чикләвек тәмен бетерә.
Тагын бер ысул: дөге кулланып карагыз. Кәстрүл эченә дөге ярмасы салыгыз, авокадоны шуңа күмдерегез һәм өстен капкач белән ябып куегыз. 12 сәгатьтән соң җимеш тигез булып өлгерә, кара таплары булмый.
Автор фотосы.