I Анэбыдзышэ зыдисфа, Си щIыфэр нобэм зыгъэтхытх, Си гущIэм макъыу игъэвам И нэхъ дахэIуэр уэ уи сэнтхщ. А сэнтх акъужьым и ежьу Уи уэрэдыжьхэм къахэсша Пшыналъэ бзэпсыр зыгъэзу Гупсысэм пасэу псэр дешащ. Псэр щешым - зэшым нэхъри зедз, Дурэш-плIэрэшыр хуримыкъуу, Лъэпкъ Iуэхур зэщхьыр къупщхьэ узщ, Бзэр кIуэдым, лъэпкъым и пкъыр мэгъур. Анэбыдзышэ зыдисфа, Фэрныплъ жэбзауэ щхьэм дэуей Си адыгэбзэ, къэзгуфIам Бгъурылъ уи псалъэрщ си дунейр. II Нэхутхьэхуу махуэхэр блэлъэтт. УэзгъэкIу макъамэ къэзгъуэтамэ, Е уэрэдыпкъыр пхуэхъум дамэ, Лэгъупыкъу сэплъу зэщIэблэнт. А заул мащIэм къигъэщIа Гупсысэ щIэншэм сыхэплъэжым,- (Хэт жиIэфыну я нэхъ пэжыр?) Ныбжьэгъум хуэдэт сыIущIа. ЩIэрыщIэу щIэ гуэр жыIэгъуейщ! Гугъуехьми къехьыр узэмыжьэ… Жыгей мэзыжьым щIэж лъэужьу Зыгуэр къэзгъанэм - сывмыгъей. ✒️Хьэӏупэхэ Джэбрэlил ЗаурХаупа