Дагъыстанны МВД-сини маълуматына гёре, Буйнакск районну Тёбен Жюнгютей юртунда бир нече адамны арасында эришив болгъан. Шо вакътиде орамдан оьтюп барагъан Россияны МВД-сини Буйнакск райондагъы бёлюгюню къуллукъчулары токътап, арагъа гирип, эришивню токътатмагъа гьаракъат этгенлер. Шо заман эришивде ортакъчылыкъ этегенлени бириси савутундан атмагъа башлагъан, шону натижасында эки полициячы яралангъан. Полиция къуллукъчулары больницагъа етишдирилген. Шеклик этилеген адам — Тёбен Жюнгютей юртну 31 йыллыкъ жагьил яшавчусу — тутулгъан.
⚡️ Буйнакск районда атышыв булан болгъан эришивню натижасында эки полиция къуллукъчусу яралангъан
3 дня назад3 дня назад
~1 мин