Ота-боболаримиз кашф қилган дунё😉
Яқинда бир ўртоғимиз янги гап топиб келди:
-Аргентинани ўзимизнинг арғин деган уруғимиз очган эмиш. Аргентина ― арғин тинган жой экан. Бу кашфиётга жавобан бошқа бир дўстимиз қочирим қилди:
― Гапинг тўғри. Бу юртдан чиққан Марадона ўзимизнинг Мардон бўлади. Чили ― чиллакидан, Куба ― Қувадан олинган. Яна биров, Аляска ҳам ўзимизнинг сўз, сафарга чиққан ўзбек, қаёққа кетаяпсан, деган саволга ― олисга, деб жавоб берган, ўша олисга ― Аляска бўлган, деди. Аския пайрови уланиб кетди.
― Бизнинг қишлоқдан Ғафир ва Амир деган ака-ука сайёҳлар чиққан, ― деди яна биров, ― Икковлон йўлга чиқиб, Ғафир ака борган ер ― Ғафрика, Амир ака етган ер ― Америка бўлган. Африка аслида ― Ғафрика эди. У ерлилар Ғ ни айтолмаганлар.
Ўша куни ҳазил-ҳазил билан дунёни эгаллаб қўйдик.
Эркин Воҳидов,
"Сўз латофати".
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
