Мунзук артист ырлай бээрге,
Муңгак кижи ыглай кааптар.
Хөглүг-баштак ойнай бээрге,
Хөрек-чүрек көдүрлүп кээр.
Мунзук артист ырлай бээрге,
Муңгак кижи ыглай кааптар.
Хөглүг-баштак ойнай бээрге,
Хөрек-чүрек көдүрлүп кээр.
Дөгей чорук сөнезин дээш,
Дөңгүр-оолду, Шыырапты...–
Сценага чуртталганы
Чеже катап ойнаваан дээр.
Он-он кижи шургуп турда,
Ону көргеш, ол-ла дораан
Хуулгаазын чаяан-дыр деп
Куросава эндевээн боор.
Хини тудуш бойдузунуң
Кижи болган төлү мен деп
Бөдүүн, мерген бүдүш-чаңын
Бөмбүрзекке көргүскен-даа.
Оран-бойдус ээзи болган,
Оскар шаңнал чаалап алган,
Хоор чоннуң аразындан
Ховар чырык сылдызывыс.
Максим Мунзук кымыл дизе,
Дерсу Узала ол-ла болгай.
Максим Мунзук дээрге-ле
Делегей-дир, теарт-дыр.
27. 03. 26
#енданбс
#шүлүктер