🇧🇾Аддзел сацыяльна-педагагiчнай i псiхалагiчнай работы ВДУ iмя П.М. Машэрава далучаецца да праекта «Кожная пятніца - роднае, сваё» з рубрыкай «Псiхалагiчныя словы-амулеты»
🙏Сённяшняе слова – ЖЫЦЦЁ
🔵Жыццё — гэта не проста дні, якія пралятаюць. Гэта дар, які мы атрымалі, які мы маем тут і цяпер. Псіхолагі кажуць: самае каштоўнае, што ў нас ёсць, — гэта здольнасць адчуваць смак да жыцця. Не проста існаваць, а менавіта жыць — з цікаўнасцю, з удзячнасцю, з прысутнасцю.
Месячнік прапаганды каштоўнасці жыцця нагадвае нам галоўнае: жыццё чалавека — вышэйшая каштоўнасць. Кожнае жыццё — адзінае і непаўторнае. Кожны дзень — не чарнавік, які можна перапісаць. Жыццё гэта магчымасць, кожны дзень — гэта шанец: пачаць новае, сказаць важнае, прабачыць, палюбіць, проста быць.
❓ДЗЕ ШУКАЦЬ АПОРУ:
🔵Кожны з нас часам сутыкаецца з цяжкасцямі, калі здаецца, што сілы скончыліся. Гэта нармальна. Трэба памятаць: цяжкія моманты не робяць жыццё менш каштоўным. Яны проста частка яго. Калі вам цяжка — не маўчыце. Аддзел сацыяльна-педагагічнай і псіхалагічнай работы — гэта месца, дзе вас выслухаюць і дапамогуць знайсці выйсце. А калі патрэбна дапамога тут і цяпер — тэлефон экстранай псіхалагічнай дапамогі 133.
☝️Нагадай сабе: тваё жыццё важнае, яно мае значэнне. Нават калі зараз цёмна — святло абавязкова вернецца. І калі адчуваеш, што самому не справіцца, памятай: побач ёсць тыя, хто дапаможа, трэба толькі зрабіць першы крок.
#ДзеньРоднагаСвайго
