Парламент җыелышы комиссияләре утырышы үтте
Бүген Уфада Парламент җыелышының Бюджет, салымнар һәм финанс базары, Икътисади сәясәт, Транспорт буенча комиссияләренең уртак утырышы узды.
Чарада Союз дәүләтенең Даими комитеты, Беларусь Республикасы Дәүләт контроле комитеты, Русия Федерациясе Исәп палатасы, Мәгариф министрлыгы, Беларусь Республикасы Транспорт һәм коммуникацияләр министрлыгы, Русия Транспорт министрлыгы, Беларусь Республикасы Икътисад министрлыгы, Русия Икътисади үсеш министрлыгы, Беларусь Республикасы һәм Русия Федерациясе Финанс министрлыклары, Башкортстан Республикасы Хөкүмәте һәм Смоленск өлкәсе Хөкүмәте вәкилләре катнашты.
Парламентарийлар Башкортстан Республикасы һәм Беларусь Республикасының икътисади өлкәдәге үзара хезмәттәшлеге, Союз дәүләтенең яңа программаларын, проектларын һәм чараларын әзерләү, шулай ук 2027-29 елларга Союз дәүләтен төзү турындагы килешү нигезләмәләрен гамәлгә ашыруның төп юнәлешләре проектын эшләү эшчәнлеге мәсьәләләрен карады.
Депутатлар "2024-26 елларга Союз дәүләтен төзү турындагы килешү нигезләмәләрен гамәлгә ашыруның төп юнәлешләре турында" Союз дәүләтенең Югары Дәүләт Советы Декретын үтәү турында фикер алышты. Игътибар үзәгендә - Союз дәүләтендә санлы сервислар һәм платформалар кертү исәбенә кече һәм урта эшкуарлыкка ярдәм итү, уртак финанс базарын булдыру өстендә эшләү, шулай ук милек реестрын алып бару һәм Союз дәүләт бюджетына керемнәр кертү механизмы өлешендә милек мәсьәләләрен җайга салу.
Парламентарийларга Беларусь һәм Русия Союзы Парламент җыелышы каршында даими эшләүче семинарның Русия дәүләт чигенең Русия‑Кытай участогындагы пропуск пунктларын реконструкцияләү өлешендә Союз дәүләтенең берләштерелгән транспорт системасы эшчәнлеге мәсьәләләренә багышланган 79нчы утырышының тәкъдимнәрен үтәүнең барышы турында мәгълүмат тәкъдим ителде. Моннан тыш, депутатлар М‑1 «Беларусь» автоюлын киңәйтү буенча агымдагы эшләрнең торышы турында фикер алышты.
Парламентарийлар күпьяклы автомобиль үткәрү пунктларын реконструкцияләү буенча планлы эш алып баруны билгеләп үтте. Русия Транспорт министрлыгына әлеге объектларда реконструкция барышын һәм билгеләнгән срокларның үтәлешен тикшереп торуны дәвам итәргә тәкъдим ителде, бу чик буе территорияләрендә транспорт чиге элемтәләренең үткәрү сәләтен һәм нәтиҗәлелеген арттырырга мөмкинлек бирәчәк.