БПЛА менән идара итергә өйрәнеп... геройға әйләнгән
"Батыр"ҙы өйөндә ике улы көтә, улар атаһы менән ғорурлана һәм бөтә нәмәлә лә уға оҡшарға тырыша.
Балаҡатай районының Иҫке Масҡары ауылынан “Батыр” позывнойлы хәрби хеҙмәткәр пилотһыҙ осоу аппараттарына идара итергә өйрәнеп, ысын геройға әйләнә.
“Батыр” махсус хәрби операция биләмәһенә өлөшләтә мобилизация буйынса саҡырыла һәм үҙенең хәрби юлын гранатометсы булып башлаған, тип хәбәр итә “Башҡорт батальоны” каналы. Һуңыраҡ, дрондарҙы ҡулланыу һуғыш яланында уңышҡа өлгәшеүҙең төп факторына әйләнгәнен күреп, ул БПЛА-ны эксплуатациялау буйынса белгес квалификацияһын ала. Заманса техниканы оҫта белеүе, иптәштәренә ярҙамға килергә һәм хатта иң ҡатмарлы шарттарҙа ла үҙ бурысын үтәргә әҙерлеге уға дүрт награда килтерә: генерал Шайморатов миҙалы, “Һәләк булып барғандарҙы ҡотҡарған өсөн”, “Хәрби батырлыҡтары өсөн” һәм “МХО-ла ҡатнашыусыға” миҙалдары.
Геройҙы өйөндә ике улы көтә, улар атаһы менән ғорурлана һәм бөтә нәмәлә лә уға оҡшарға тырыша.
Пилотһыҙ система ғәскәрҙәрендә хеҙмәт итеүселәр – юғары класлы, яҡшы әҙерлекле, автомат менән түгел, ә джойстик менән оҫта идара итеүсе яугирҙәр. Шуға күрә улар өсөн айырым шарттар булдырыла һәм унда урындар һаны ла сикләнгән.
* Был контрактсыларға башҡа яугирҙәргә тәғәйен кеүек үк түләүҙәр, льготалар, социаль гарантиялар ҡаралған, ләкин улар өсөн айырым өҫтөнлөктәр ҙә бар.
* Хеҙмәт хәүефһеҙерәк, сөнки хәрби бәрелеш һыҙығынан алыҫта үтә.
* Контракт бер йылдан алып билдәләнгән ваҡытҡа төҙөлә. Ул тамамланғас, хеҙмәттән китергә йәки яңыһын төҙөргә мөмкин.
* Контрактта хәрби хеҙмәткәрҙе уның ризалығынан тыш пилотһыҙ осоу аппараттарына идара итеүгә бәйле булмаған башҡа һөнәргә йәки икенсе ғәскәр төрөнә күсерергә ярамағанлығы яҙыла.
* Студенттар, академик отпуск алып, контракт төҙөй ала. Хеҙмәте тамамланғас, кире бюджет нигеҙендә (урындар булған осраҡта) уҡырға ҡайтырға хоҡуҡлы.
* Һөҙөмтәлелек өсөн өҫтәмә. Дошмандың техникаһын, ҡорамалдарын уңышлы юҡ иткән кешеләргә 50 000 – 500 000 һум өҫтәмә түләү ҡаралған.
* Рәсәй граждандары булған ир-егеттәр генә контракт төҙөй ала. Яңы подразделениеларҙа ҡатын-ҡыҙҙар өсөн хәрби-иҫәп белгеслектәре әлегә ҡаралмаған.
* FPV-дрон операторы булыу өсөн йәш буйынса талап – 18 йәштән 35 йәшкәсә, ә башҡа белгестәр өсөн – 18 – 45 йәш.
* Физик яҡтан үҫешкән булыу һәм һаулыҡ торошо буйынса хәрби хеҙмәткә яраҡлылыҡ.
* Туғыҙ кластан да кәм булмаған белемдең булыуы мотлаҡ.
* Ауыр һәм айырыуса ауыр енәйәттәр өсөн хөкөм ителмәгән булыу шарт. Башҡа төрлө суд ҡарарҙары осрағында ҡарар һәр кемгә ҡарата шәхсән рәүештә ҡабул ителә.
Ҡайҙа мөрәжәғәт итергә?
Үҙең йәшәгән урын буйынса хәрби комиссариатҡа.
Контракт буйынса хәрби хеҙмәткә һайлап алыу пунктына (Өфө ҡалаһы, Революция урамы, 156)
“Дәүләт хеҙмәттәре”ндә заявка ҡалдырырға мөмкин.
БПЛА ғәскәрҙәрендә хеҙмәт итеү тураһында бөтә мәғлүмәтте башбат.рф сайтында һәм 122-се телефон аша алырға мөмкин.
Фото һәм сығанаҡ: МАХ-та “Башҡорт батальоны” каналы.