ԱՄՆ իշխանությունները Իրանին հակամարտության դադարեցման 15 կետից բաղկացած ծրագիր են ուղարկել, գրում է The New York Times (NYT) թերթը՝ հղում անելով իր աղբյուրներին։
«Առաջարկն արտացոլում է վարչակազմի ցանկությունը՝ հակամարտությունից ելք գտնել դրա տնտեսական հետևանքների ֆոնին», - ասվում է հրապարակման մեջ։
Նշվում է, որ ամերիկյան կողմը ծրագիրն ուղարկել է Պակիստանի միջոցով:
Մինչ այդ Իրանի արտգործնախարար Աբբաս Արաղչին ԱՄՆ նախագահի հատուկ բանագնաց Սթիվ Ուիթկոֆին ասել էր, որ Իսլամական Հանրապետության նոր գերագույն առաջնորդ Մոջթաբա Խամենեին համաձայնել է ամերիկա-իրանական բանակցություններին: Նրա խոսքով՝ Խամենեին խնդրել է որքան հնարավոր է շուտ փակել այդ հարցը, եթե պահպանվեն Թեհրանի պայմանները:
Իսրայելն ու ԱՄՆ-ն փետրվարի 28-ին հայտարարել էին Իրանի դեմ լայնածավալ մարտական գործողություններ սկսելու մասին: Ի պատասխան՝ Իրանը հայտարարել էր Իսրայելի և տարածաշրջանում ամերիկյան թիրախների դեմ հրթիռային գործողության մեկնարկի մասին: Մարտի 1-ին Իրանը հաստատել էր երկրի Գերագույն հոգևոր առաջնորդ Ալի Խամենեիի մահը: Երկու կողմում էլ զոհերի ու տուժածների թիվը ժամ առ ժամ փոխվում է։
Նորություններին հետևեք մեր կայքում, ինչպես նաև Telegram-ում և YouTube-ում