“Сәламәтлек саклау лидерларын бергә әзерлибез!”
“Башкортстанның хәзерге һәм булачак сәламәтлек саклау идарәчеләре өчен уникаль "ЛидерМЕД-2026" программасын эшләтеп җибәрәбез”, — дип хәбәр итә республиканың сәламәтлек саклау министры Айрат Рәхмәтуллин социаль челтәрдәге битендә.
Министр билгеләвенчә, 30 апрельдә Уфада интенсив стратегик сессия үтәчәк, анда медицина оешмаларының иң яхшы җитәкчеләре тармак алдында торган реаль проблемалар өстендә эшләячәк.
“Бу - чара гына түгел, ә яңа идеяләр, элемтәләр һәм идарә потенциалын үстерү өчен платформа. Катнашуга баш табиблар, аларның урынбасарлары, хосусый клиникалар җитәкчеләре, бүлек җитәкчеләре чакырыла.
Катнашуның нәтиҗәсе безнең төбәкнең сәламәтлек саклау системасында карьера трегын башлау һәм Башкортстан Сәламәтлек саклау министрлыгының кадрлар резервына сайланганда өстенлек алу мөмкинлеге булачак”, — дип язган Айрат Рәхмәтуллин.
Гаризалар 21 марттан 10 апрельгә кадәр кабул ителә.
Критерийлар һәм нечкәлекләр — чара сайтында: medliderbash.tilda.ws
“Барлык хезмәттәшләремне дә катнашырга чакырам, ә гамәлдәге баш табибларга үзләренең перспективалы идарәчеләрен җибәрергә киңәш итәм. Сәламәтлек саклау лидерларын бергә әзерлибез!” — дигән Айрат Рәзиф улы.