Татарстан Республикасы 2025 ел йомгаклары буенча Россия төбәкләре арасында хезмәт хакларының иң югары үсешен күрсәтте. РИА Новости тикшеренүләреннән күренгәнчә, төбәктә уртача хезмәт хакы 20 процентка арткан, бу ил буенча рекордлы күрсәткеч булып тора. Экспертлар билгеләп үткәнчә, тулаем Россия буенча түбән эшсезлек фонында кадрлар өчен конкуренция көчәйгән, бу халыкның керемнәре үсешенә китергән. Илдә уртача хезмәт хакы бер ел эчендә 13,5 процентка артып, 100 мең сумнан артып киткән. Төбәкләр буенча керемнәрдәге аерма сизелерлек кала. Иң югары уртача хезмәт хаклары Чукоткада теркәлгән -якынча 215 мең сум, иң түбәне – Ингушетиядә, анда күрсәткеч 45 мең сумга җитми. Тармак буенча файдалы казылмалар чыгару, шулай ук IT һәм финанс хезмәтләре белән бәйле өлкәләр алда бара. Аерым алганда, иң югары хезмәт хакларын Сахалинда нефтьчеләр ала – уртача 328 мең сум, ә Мәскәүдә 310 мең сум күрсәткече белән финанс тармагы алда бара. Фото: «Татар-информ»
Татарстан хезмәт хаклары үсеш темплары буенча 2025 елда иң алдынгы урында булды
23 марта23 мар
~1 мин