#ОҕолорбутСуруйаллар
Бокса турнирыттан кыайыылаах кэллилэр
Бу күннэргэ Уус Алдан улууһугар ССРС спордун маастара, Саха өрөспүүбүлүкэтин үтүөлээх тренерэ Константин Бурцев аатынан өрөспүүбүлүкэтээҕи боксаҕа турнир ыытылынна. Онно 1-кы Дьөппөн санаторнай оскуола-интэринээтин үөрэнээччилэрэ биэс буолан тириэньэрдэрин Афанасий Ильич Скрябины кытта баран күрэхтэһэн кэллилэр.
Маннык таһымнаах күрэххэ бастакытын кыттыбыт 9 кылаас үөрэнээччитэ Юля Слепцова турниртан санаатын үллэһиннэ:
- Элбэх оҕо кытта кэлбит этэ. Мин олус долгуйдум, бииртэн биир күүстээх, эр санаалаах, кыайыыга дьулуурдаах боксердар бааллара. Ол да буоллар, тириэньэрбит аттыбытыгар баара биһиэхэ тирэх буолла. Мин иккис миэстэни ыламмын олуһун үөрдүм. Инникитин биһигини өссө күүстээх эрчиллии, дьарык күүтэр, - диэтэ Юля.
Сиhилии: https://ханаласгазета.рф/72356-2/
Мирослава Сотрудникова, 1-кы Дьөппөн санаторнай оскуола-интэринээтин 7 кылааһын үөрэнээччитэ.
