"Rektor va yoshlar uchrashuvi”: iqtidorli o‘quvchilar taqdirlandi
Toshkent davlat tibbiyot universiteti tasarrufidagi 2-sonli akademik litseyda “Rektor va yoshlar uchrashuvi” bo‘lib o‘tdi.
Uchrashuv davomida universitet rektori, professor Shuxrat Boymuradov litsey o‘quvchilari bilan ochiq va samimiy muloqot olib bordi. Yoshlarning ta’lim jarayoni, ilmiy izlanishlari, kelajak rejalari hamda tashabbuslari muhokama qilindi.
Tadbir yakunida turli fanlar bo‘yicha xalqaro va respublika olimpiadalarida yuqori natijalarga erishgan iqtidorli o‘quvchilar munosib taqdirlandi. G‘oliblarga diplom va esdalik sovg‘alari topshirilib, ularning kelgusi faoliyatiga muvaffaqiyat tilandi.
Mazkur uchrashuv yoshlarni qo‘llab-quvvatlash, ularning intellektual salohiyatini rivojlantirish hamda ilm-fanga bo‘lgan qiziqishini yanada oshirishga xizmat qiladi.
🕊Telegram | 📱Facebook | 📱Instagram | 📺YouTube
