Төхтүргэ устудьуоннар десаннара ыалдьыттаата
Эркээни хочотун Төхтүрүгэр эдэр, эрчимнээх, ырыа-тойук аргыстаах, үлэҕэ-үөрэххэ дьаныардаах, чөл олоххо тардыһыылаах "Снежный десант" диэн М.К. Аммосов аат. Хотугулуу-Илиҥҥи федеральнай университет устудьуоннара ыалдьыттаатылар. Салайааччылара барыга дьоҕурдаах Артем Саввин.
Ыччаттар икки күннээх, киэҥ бырагыраамалаах тэрээһиннэри ыыттылар, аҕам саастаах кырдьаҕастарга уонна Анал байыаннай дьайыыга сылдьар ыччат дьоммут төрөппүттэригэр хаар ыраастаан, муус таһан көмөлөстүлэр. Маны сэргэ А.Д. Широких аат. Төхтүр орто оскуолатын 5-7 кылааһын үөрэнээччилэригэр профориентационнай үлэни, бэсиэдэлэри, оонньуулары тэрийдилэр. Ыччаттар үөрэнээччилэргэ инникитин идэни талыыга сөптөөх хайысханы тутуһалларыгар сүбэ-ама биэрдилэр.
Сиhилии: https://ханаласгазета.рф/72788-2/
Мотрена Ефремова, СӨ бочуоттаах бэтэрээнэ, Төхтүр с.
