Toshkent davlat tibbiyot universitetida xalqaro hamkorlik bo‘yicha muhim uchrashuv bo‘lib o‘tdi
Bugun Toshkent davlat tibbiyot universitetida Rossiyadagi Sog‘liqni saqlashni tashkil etish va boshqarish oliy maktabi rektori, tibbiyot fanlari doktori Guzel Ernstovna Ulumbekova bilan muhim uchrashuv bo‘lib o‘tdi.
Nufuzli mehmonni universitet rektori, professor Shuxrat Boymuradov kutib oldi.
Uchrashuv davomida tomonlar o‘rtasida o‘zaro hamkorlikni rivojlantirish, tibbiyot ta’limi va sog‘liqni saqlash tizimida qo‘shma loyihalarni amalga oshirish masalalari muhokama qilindi.
Uchrashuv yakunida ikki tomonlama hamkorlikni yanada mustahkamlashga qaratilgan memorandum imzolandi.
Mazkur kelishuv kelgusida xalqaro aloqalarni kengaytirish va sohada yangi tashabbuslarni amalga oshirish uchun muhim zamin yaratadi.
🕊Telegram | 📱Facebook | 📱Instagram | 📺YouTube
