«Ватанны саклаучылар» фонды нәтиҗәле эшли
Өч ел элек, 2023 елның 3 апрелендә, Русия Президенты «Ватанны саклаучылар» дәүләт фондын булдыру турындагы указга кул куйды. Фонд эшенең төп нәтиҗәсе - геройларга социаль ярдәм күрсәтүнең принципиаль яңа системасын булдыру. Аның нигезендә тыгыз ведомствоара хезмәттәшлек ята, ә төп принцип булып Фондка мөрәҗәгать иткән һәр яклаучы һәм һәлак булган геройның туганнары белән аерым эшләү тора.
Башкортстандагы филиал күп күрсәткечләр буенча лидер булып тора. Республиканың барлык муниципалитетларында 130 социаль координатор эшли.
«Ватанны саклаучылар» дәүләт фонды эшләү чорында геройлардан һәм аларның якыннарыннан 135 меңнән артык сорау килгән. Шуларның 96 проценты уңай хәл ителгән дә инде. Еш кына филиалга социаль ярдәм чараларын билгеләү, акчалата түләүләр алу, "Хәрби хәрәкәтләр ветераны" таныклыгын рәсмиләштерү, юридик ярдәм белән бәйле мөрәҗәгатьләр килә.
«Ватанны саклаучылар» фонды илдә СВО ветераннарының инвалидлык ихтыяҗларын исәпкә алып, торакларын уңайлаштыру программасын эшләтеп җибәрде. Бүген яугирләргә уңайлы яшәү шартлары булдыру өчен бөтен республикада 70тән артык фатир һәм йорт җиһазландырылган.
Моннан тыш, Фонд махсус хәрби операция ветераннарын реабилитацияләүнең техник чаралары (ТСР) һәм адаптацияләү чаралары исемлеге даими киңәйтелә. Икенче ел авыр инвалидлык алган геройларга кул белән идарә ителүче автомобильләр тапшырыла. Үзебездә җитештерелгән мондый машиналардан ачкычларны 18 ветеранга тапшырдылар. Узган елдан автомобильләр электр күтәргечле кресло-коляскаларны йөртү өчен багажниклар белән комплектлана.
2025 елның июлендә Русия Президенты ярдәмендә «Ватанны саклаучылар» фонды инвалид ветераннарга аларның физиологик мөмкинлекләрен исәпкә алган адаптив кием бирә башлады. Яугирләр 70тән артык шундый кием комплекты алдылар инде.
Башкортстан филиалының үзенчәлеге - иҗтимагый оешмалар белән берлектә уникаль проектларны гамәлгә ашыру. «Хатын-кыз - милләт анасы» Бөтенрусия конкурсы, «Ватанны саклаучының атасы» проекты, патриотик фестивальләр кебек масштаблы проектларны үткәрүдә филиалның даими партнерлары булып Русия халыклары ассамблеясенең төбәк бүлеге, Башкортстан хатын-кызлары җәмгыяте, ветераннар оешмалары тора.
"Безнең һәр проект — меңләгән кеше өчен мөһим булган авторлык инициативасы. Без аларны иҗтимагый оешмалар һәм ветераннар берләшмәләре белән бергә гамәлгә ашырабыз. Филиал эшчәнлеге дәүләтнең, җәмгыятьнең, руханиларның Ватанга хезмәт иткән һәм аны саклаган кешеләргә лаеклы ярдәм күрсәтүдә уңышлы хезмәттәшлегенең ачык мисалы булып тора", - дип саный Башкортстандагы филиал җитәкчесе Гөлнур Колсарина.
Фото: Башинформ