Президент Владимир Путин Русия Хөкүмәтенә Мисырга ашлык озатырга кушты. Бу хакта дәүләт башлыгы Мисыр Чит ил эшләре министрлыгы башлыгы Бадр Абдельати белән очрашуда хәбәр итте.
"Мисыр Президенты белән телефоннан сөйләшүебез нәтиҗәләре буенча мин хөкүмәткә Мисыр коллегалары белән бу илгә азык-төлек товарлары, беренче чиратта безнең ашлыкны җибәрү мәсьәләләрен карарга куштым", - диде ул.
Владимир Путин сүзләренчә, узган елда Русиядә яхшы уңыш җыеп алынды һәм экспорт белән бернинди проблемалар да булмаячак. Ул, шулай ук, Мисыр Президентына үз йөкләмәсе турында хәбәр итүне сорады.
Фото:.rbc.ru