Иң зур бәхет – изгелек кылуда!
Иртәгә зур бәйрәм – Ураза гаете. Дин кардәшләребез гадәт буенча өй җыештыра, идән юа, коймак, юкасын пешерер өчен, камырын изә, мунча керә – кыскасы шул бәйрәмгә әзерләнә. Көн дәвамында таныш-белешләрне, туган-тумачаны Гает белән тәбрикләп, бер-берсенә кунакка йөрүчеләр дә аз булмас.
Районыбызның Үзәк паркында да бәйрәм уңаеннан оештырылган чарада катнашу мөмкинлеге бар. Көндезге сәгать 1 дә башлана ул. Зурлар өчен дә, балалар өчен дә “Өмет” мәчетенең дин әһелләре зур бүләкләр әзерләгән. Ә бит якын кешеләреңне, тирә-юньдәгеләреңне шатландыру – элек-электән игелекле гамәл булып саналган.
Ураза гаете көнне күмәк күңел ачу – бу бәйрәмнең асылын, изгелекнең мөһимлеген аңларга, халкыбызның бердәмлеген тоярга ярдәм итәчәк.
| 📰Новости Алькеевского района📸
MAX-канал - подпишитесь.
Вконтакте - подпишитесь.
Сайт - посмотреть.
