Безнең көч — бердәмлектә!
“Республика Башкортстан" нәшрият йорты коллективы махсус хәрби операция яугирләре өчен чираттагы гуманитар конвой оештырып, аны алгы сызыкка илтте.
Башкортстан Башлыгы Радий Хәбиров үзенең Дәүләт җыелышы-Корылтайга Юлламасында республика журналистлары эшенең мөһимлеген аерым билгеләп үтте. Ул аларны мәгълүмати алгы сызыкта баручылар дип атады. Ә инде хәрби журналистларыбыз федераль коллегалары белән янәшә алгы сызыкта СВО елъязмасын яза.
Мәгълүмати эшчәнлектән тыш, республика журналистлары гуманитар ярдәм җыюда да актив катнаша. Махсус хәрби операциянең беренче көннәреннән үк маскировка челтәрләре үрә һәм окоп шәмнәре ясый, шулай ук кирәкле җиһазлар сатып алу өчен акча җыя.
Бу җәһәттән, гыйнвар ахырында “Республика Башкортостан” нәшрият йорты һәм төбәк Журналистлар берлеге чираттагы гуманитар акция турында игълан иткән иде. Республика матбугат басмалары редакцияләренең тырышлыгы нәтиҗәсендә кыска вакыт эчендә дроннар, тепловизор, мотоцикл һәм генератор сатып алу өчен 600 мең сумнан артык акча җыелды. Узган атнада алар “Башкортостан” полкы сугышчыларына һәм республикадан мобилизацияләнгән яугирләргә китереп җиткерелде.
"Без бүгенге шартларда заманча кораллану һәм технологияләрнең нинди зур роль уйнавын бик яхшы аңлыйбыз. Моңа алгы сызыкта безнең егетләр белән аралашканнан соң тагын бер кат инандык. Бу юлы без нәкъ менә сугышчыларыбызны сыйфатлы күзәтеп торырга һәм аларның сакланышын арттырырга сәләтле дроннарга һәм тепловизорларга аерым игътибар ибрдек”, - диде “Республика Башкортостан" нәшрият йорты генеральный директоры Зөлфия Рәхмәтуллина. Ул нәшрият йортының барлык редакцияләренә битараф булмаганнары өчен аерым рәхмәт белдерде.
— Республика журналистларының бердәмлек үрнәге күрсәтүенә мин бик шат, — диде оешма рәисе Вәдүт Исхаков. — Егетләребезгә ярдәм итеп, без үзебезнең гражданлык җаваплылыгыбызны күрсәтәбез. Фронтка илткән һәр нәрсә тормыш өчен кирәк. Барлык хезмәттәшләремә бердәмлекләре өчен рәхмәт белдерәм. Безнең көч — бердәмлектә.