Ҡыйыҡтан ҡар төшһә... - Ҡар төшөү ихтимал биналарға яҡын килмәҫкә; - Балаларға бындай урындарҙа йөрөргә рөхсәт итмәҫкә; - Балаларҙы хәүеф тураһында иҫкәртергә. - Хәүефле ҡыйыҡ аҫтында уйнау күңелһеҙ тамамланыуы бар. Хәүефле урында иҫкәртеүсе яҙма, ҡойма булғанда, уны аша үтергә тырышмағыҙ, башҡа юл менән хәүефле урынды ситләп үтергә кәрәк; - әгәр тротуарҙа элек төшкән ҡар йә иһә боҙ киҫәктәре күренһә, был ошо урындың хәүефлелеген күрһәтә; - әгәр тротуар буйлап хәрәкәт иткәндә юғарыла шикле тауыштар ишетһәгеҙ, туҡтап, башығыҙҙы күтәреп ҡарап тормағыҙ. - Бинанан ҡасырға ла ярамай, тиҙерәк стенаға һыйынырға кәрәк, ҡыйыҡ япма булып тора; - ҡыйыҡтан боҙ йә иһә ҡар төшөп берәй кеше зыян күрһә, ашығыс ярҙам саҡыртырға кәрәк. Көндәр йылы тора, ҡыйыҡтан төшкән ҡар өйөмдәренән һаҡ булығыҙ!