“Yil boshi – Navro‘z”
Bugun ToshDavTU Tibbiy-pedagogika va davolash fakultetida navbatdagi “Kelajak soati” mashg‘uloti “Yil boshi – Navro‘z” mavzusida tashkil etildi. Mazkur dars Ijtimoiy fanlar, pedagogika va psixologiya kafedrasi professori N.Muhamadiyev, YoBIB dekan o‘rinbosari A.Xudayberdiyev tomonidan olib borildi.
Mashg‘ulot davomida talabalarga Navro‘z bayramining qadimiy tarixiy ildizlari, uning Sharq xalqlari hayotidagi o‘rni hamda bugungi kunda milliy qadriyat sifatida tutgan ahamiyati haqida batafsil ma’lumotlar berildi.
Ta’kidlanganidek, Navro‘z nafaqat tabiatning uyg‘onishi va yangi yilning boshlanishini anglatadi, balki u insonlar qalbida yangilanish, mehr-oqibat, ezgulik va hamjihatlik tuyg‘ularini mustahkamlovchi muhim bayram hisoblanadi.
Professor N.Muhamadiyev Navro‘z bayramining tarixiy shakllanish jarayoni, uning xalq og‘zaki ijodi, urf-odat va an’analarda aks etishi, turli xalqlar madaniyatida tutgan o‘rni hamda Navro‘zning ijtimoiy-ma’naviy mohiyati haqida ham fikr yuritdi.
✅Rasmiy sahifalarimiz:
Telegram | Facebook | Instagram | YouTube | X | LinkedIn
