Соңгы вакытта мәктәп укучылары һәм студентлар арасында кызык күренеш күзәтелә: күпләр MAX мессенджерын урнаштырырга теләми. Имеш анда барысын да күзәтәләр, мәгълүмат җыялар, кем нәрсә яза – барысы да карала икән.
Шунда сорау туа: кемне күзәтергә җыеналар соң? Дәрестә телефонда утырган 9 нчы сыйныф укучысынмы? Яки лекциядә утырганда мем караган студентнымы?
Чынлыкта, әгәр дә кем белән дә булса чынлап кызыксынсалар, моның өчен бер генә мессенджер да кирәк түгел. Интернетта кеше үзе калдырган эзләр болай да җитәрлек: социаль челтәрләр, аккаунтлар, комментарийлар.
Өстәвенә, бүгенге заманда дәүләт органнарының төрле эш алымнары һәм инструментлары бар. Шуңа күрә кем белән дә булса чынлап кызыксынсалар, бер генә мессенджерга карап кына эш итмиләр. Бу инде күптән шулай эшли торган системалар.
Күп вакыт бу бөтенләй башка нәрсәгә охшый: “мин куймыйм”, “мин каршы” дип әйтү модага кергән кебек. Янәсе бу ниндидер принцип яки үзенчәлек күрсәтү.
Ә чынлыкта мессенджер – ул бары тик аралашу коралы гына. Кем теләсә куллана, кем теләми – кулланмый. Ләкин куркып түгел, ә уйлап карап карар кабул итү дөресрәк булыр.
Кыскасы, юктан проблема ясап йөрмәгез. MAXны куегыз да вак-төяк сүзләр белән баш катырмагыз.
Язылыгыз: https://max.ru/baltasi
